నేచర‌ల్ స్టార్ నాని హీరోగా సినిమా చూపిస్త మావ ఫేమ్ న‌క్కిన త్రినాధ‌రావు ద‌ర్శ‌క‌త్వంలో రూపొందుతున్న‌ చిత్రం నేను లోక‌ల్. ఈ చిత్రానికి అటిట్యూడ్ ఈజ్ ఎవ్రీథింగ్ అనేది క్యాప్ష‌న్. ఈ చిత్రం శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై దిల్ రాజు స‌మ‌ర్ప‌ణ‌లో రూపొందింది. నాని స‌ర‌స‌న కీర్తి సురేష్ న‌టించారు. యువ సంగీత సంచ‌ల‌నం దేవిశ్రీప్ర‌సాద్ మ్యూజిక్ అందించారు.

యూత్ ఫుల్ ఎంట‌ర్ టైన‌ర్ గా రూపొందిన నేను లోక‌ల్ చిత్రంలోని నెక్ట్స్ ఏమిటి అనే ఫ‌స్ట్ సాంగ్ ను 6వ తారీఖు సాయంత్రం 6 గంట‌ల‌కు రిలీజ్ చేయ‌నున్నారు. ఈ చిత్రాన్ని ఫిబ్ర‌వ‌రిలో రిలీజ్ చేయ‌డానికి ప్లాన్ చేస్తున్నారు. ఈ చిత్రానికి డైలాగ్స్ - ప్ర‌స‌న్న కుమార్ బెజ‌వాడ‌, సినిమాటోగ్రాఫ‌ర్ - నిజార్ ష‌ఫీ, సంగీతం - దేవిశ్రీప్ర‌సాద్, అసోసియేట్ ప్రొడ్యూస‌ర్ - బెక్కం వేణుగోపాల్, కో - ప్రొడ్యూస‌ర్ - హ‌ర్షిత్ రెడ్డి, ప్రొడ్యూస‌ర్ - శిరీష్, స‌మ‌ర్ప‌ణ - దిల్ రాజు, ద‌ర్శ‌క‌త్వం - త్రినాధ‌రావు న‌క్కిన‌.