ఎం.సి.ఎతో మ‌రో విజ‌యాన్ని త‌న ఖాతాలో వేసుకున్నారు యువ క‌థానాయ‌కుడు నాని. గురువారం విడుద‌లైన ఈ సినిమా.. వ‌సూళ్ళ ప‌రంగా దూసుకుపోతోంది. ఈ చిత్రం స‌క్సెస్‌ని ఆస్వాదిస్తూనే.. మ‌రో వైపు కొత్త చిత్రంతో బిజీగా ఉన్నారు నాని. ఆ చిత్ర‌మే `కృష్ణార్జున యుద్ధం`. `వెంక‌టాద్రి ఎక్స్‌ప్రెస్‌`, `ఎక్స్ ప్రెస్ రాజా` చిత్రాల ద‌ర్శ‌కుడు మేర్ల‌పాక గాంధీ డైరెక్ష‌న్‌లో ఈ చిత్రం తెర‌కెక్కుతోంది.

కేర‌ళ‌కుట్టి అనుప‌మ ప‌ర‌మేశ్వ‌ర‌న్ క‌థానాయిక‌గా న‌టిస్తున్న ఈ సినిమా ప్ర‌స్తుతం చిత్రీక‌ర‌ణ ద‌శ‌లో ఉంది. కాగా, తొలుత ఈ చిత్రాన్ని ఫిబ్ర‌వ‌రిలో విడుద‌ల చేయాల‌ని నిర్మాత‌లు ప్లాన్ చేశారు. అయితే కొన్ని కార‌ణాల వ‌ల్ల ఈ సినిమా వాయిదా ప‌డింద‌ని తెలిసింది. తాజా స‌మాచారం ప్ర‌కారం.. ఈ సినిమా ఏప్రిల్ రెండో వారంలో రిలీజ్ అయ్యే అవ‌కాశ‌ముంద‌ని తెలిసింది. నాని నిర్మిస్తున్న అ! చిత్రం ఫిబ్ర‌వ‌రిలో విడుద‌ల కాబోతోంది. అదే స‌మ‌యంలో ఈ చిత్రాన్ని కూడా విడుద‌ల చేయ‌డం క‌రెక్ట్ కాద‌ని భావించి.. `కృష్ణార్జున యుద్ధం`ని వాయిదా వేసార‌ని టాలీవుడ్ వ‌ర్గాలు పేర్కొంటున్నాయి. మ‌రి ఈ వార్త‌ల్లో ఎంత నిజ‌ముందో త్వ‌ర‌లోనే తెలుస్తుంది.