నాని, కిషోర్ తిరుమల సినిమాకి బ్రేక్ పడిందా?
- IndiaGlitz, [Tuesday,February 13 2018]
కొన్ని కాంబినేషన్స్‌లో తొలిసారిగా సినిమాలు రాబోతున్నాయంటే ప్రేక్షకులలో ప్ర‌త్యేక‌మైన ఆసక్తి నెలకొంటుంది. అటువంటి కాంబినేషన్‌ల‌లో హీరో నాని-ద‌ర్శ‌కుడు కిషోర్ తిరుమల ఒక‌టి. నేను శైలజ', ఉన్నది ఒకటే జిందగీ' సినిమాలలో మానవతా విలువలను ఉన్నతంగా చూపించడమే కాదు.. మనసును హత్తుకునే మాటలతో భావోద్వేగ సన్నివేశాలను తనదైన శైలిలో రూపొందించారు కిషోర్ తిరుమల. ఇక సన్నివేశం ఎటువంటిదైనా.. ఒదిగిపోయి నటించే క‌థానాయ‌కుడు నాని. త్వరలో వీరి కలయికలో సినిమా రానుంద‌ని వార్త‌లు వినిపిస్తున్నాయి. మైత్రీ మూవీ మేకర్స్ నిర్మించనున్న ఈ చిత్రం.. మార్చి నుంచి షూటింగ్ జరుపుకోనుందని ఆ మ‌ధ్య వార్త‌లు వినిపించాయి. నాగార్జున, నాని మల్టీస్టారర్ ఫిల్మ్‌తో పాటే ఈ సినిమా కూడా సమాంతరంగా షూటింగ్ జరుపుకోనుందని కూడా క‌థ‌నాలు వచ్చాయి.
అయితే ప్రస్తుతం నాని-కిషోర్ సినిమాకి తాత్కాలికంగా బ్రేక్ పడినట్లు సమాచారం. కిషోర్ కథకి నాని ఇంకా పూర్తి స్థాయిలో సంతృప్తి చెందలేదని...ఇంకా చర్చలు జరగాల్సి ఉందని...దానికి తోడు నాని తాను నిర్మించిన అ!' సినిమా ప్రమోషన్‌లో బిజీగా ఉండడం...అలాగే కృష్ణార్జున యుద్ధం' మూవీ పోస్ట్ ప్రొడక్షన్ పనులు ఉండడం వలన...ఈ కథా చర్చలకి కొంత సమయం పట్టేటట్టే ఉందని ఇండ‌స్ట్రీలో టాక్ వినిపిస్తోంది. ఇక మైత్రీ మూవీ మేకర్స్ సంస్థ కూడా రంగస్థలం' విడుదల పనులు, నాగచైతన్య సవ్యసాచి' నిర్మాణ కార్యక్రమాలతోనూ...అలాగే త్వరలో ప్రారంభించ‌నున్న శ్రీనువైట్ల-రవితేజ మూవీ తాలుకూ షూటింగ్ ప‌నుల‌తో బిజీగా ఉండడం వ‌ల్ల ఈ సినిమా పట్టాలెక్కే విషయంలో కొంత ఆలస్యం జరిగే అవకాశం ఉన్నట్టు భోగ‌ట్టా.