మ‌రోసారి నాని త‌న‌కు పెద్ద‌గా రాని ప్ర‌య‌త్నం చేయ‌బోతున్నాడంటూ వార్త‌లు విన‌ప‌డుతున్నాయి. ఇంత‌కు నాని చేయ‌బోయే ప్రయత్నం కొత్త‌దేమీ కాదు. హీరోగా ద్విపాత్రాభిన‌యంలో క‌నిపించ‌డమే. ఇంత‌కు నాని ద్విపాత్రాభిన‌యం ఏ సినిమాలో చేయ‌బోతున్నాడ‌నుకుంటున్నారా? చేయ‌బోతున్నాడు కాదు.. చేసేశాడ‌ట‌. అంత సైలెంట్‌గా నాని ఏ సినిమాను కంప్లీట్ చేశాడో అనే సందేహం రాక మాన‌దు. నాని ద్విపాత్రాభిన‌యంలో క‌న‌ప‌డ‌బోతున్న సినిమా `నాని`స్ గ్యాంగ్ లీడ‌ర్‌. ఇది విన‌గానే కాస్త షాకింగ్‌గా అనిపించొచ్చు. ఎందుకంటే సెప్టెంబ‌ర్ 13న విడుద‌ల కాబోతున్న ఈ చిత్రంలో నాని ఒక పాత్ర‌లోనే క‌న‌ప‌డ‌బోతున్నాడ‌నే సంగ‌తి మ‌న‌కు తెలిసిందే. అయితే నాని మాత్రం రెండు పాత్ర‌ల్లో క‌న‌ప‌డ‌బోతున్నాడ‌ని ఇన్‌సైడ్ వ‌ర్గాల స‌మాచారం.

2015లో `జెండాపై క‌పిరాజు`, 2016లో `జెంటిల్‌మ‌న్‌`, 2018లో `కృష్ణార్జున‌యుద్ధం` సినిమాల్లో నాని ద్విపాత్రాభిన‌యం చేశాడు. ఇందులో `జెంటిల్‌మ‌న్‌` మాత్ర‌మే పెద్ద హిట్ట‌య్యింది. మిగిలిన రెండు సినిమాలు డిజాస్ట‌ర్స్‌గా మిగిలిపోయాయి. అయితే ప‌రాజ‌యాల‌ను ప‌ట్టించుకోని నాని మ‌రోసారి ద్విపాత్రాభిన‌యంలో క‌నిపించ‌బోతున్నాడ‌ట‌.

మైత్రీ మూవీ మేక‌ర్స్ బ్యాన‌ర్‌పై విక్ర‌మ్ కుమార్ ద‌ర్శ‌క‌త్వంలో రూపొందిన `నాని`స్ గ్యాంగ్ లీడ‌ర్‌`లో హీరో కార్తికేయ విల‌న్ పాత్ర‌లో క‌న‌ప‌డ‌బోతున్నారు. ప్రియాంక మోహ‌న్ హీరోయిన్‌గా న‌టిస్తోంది. ల‌క్ష్మి, శ‌రణ్య కీల‌క పాత్ర‌ధారులుగా న‌టించారు. నాని అనువాద క‌థా చిత్రాల ర‌చ‌యిత పెన్సిల్ పార్థ‌సార‌థి అనే పాత్ర‌తో పాటు మ‌రో పాత్ర‌తో సంద‌డి చేస్తాడ‌నేది వార్త‌ల్లో నిజ‌మెంతో తెలియాలంటే విడుద‌ల వ‌ర‌కు వేచి చూడాల్సిందే.