మరో మ‌ల్టీస్టార‌ర్‌లో నానికి క‌లిసొస్తుందా?
- IndiaGlitz, [Sunday,November 18 2018]
వ‌రుస ఎనిమిది విజ‌యాలు సాధించిన నేచుర‌ల్ స్టార్ నానికి కృష్ణార్జున యుద్ధం కాస్త బ్రేక్ వేసింది. త‌ర్వాత నాగార్జున‌తో నాని క‌లిసి నటించిన మ‌ల్టీస్టార‌ర్ దేవ‌దాస్ కూడా నిరాశ‌నే మిగిల్చింది. ప్ర్ర‌స్తుతం నాని గౌత‌మ్ తిన్న‌నూరి ద‌ర్శ‌క‌త్వంలో 'జెర్సీ' సినిమా చేస్తూ బిజీగా ఉన్నాడు. ఈ సినిమా త‌ర్వాత నాని .. త‌న‌కు హీరోగా అష్టాచ‌మ్మాతో లైఫ్ ఇవ్వ‌డ‌మే కాకుండా జెంటిల్‌మ‌న్ వంటి హిట్ మూవీని ఇచ్చిన డైరెక్ట‌ర్ ఇంద్ర‌గంటి మోహ‌న‌కృష్ణ ద‌ర్శ‌క‌త్వంలో మరో సినిమా చేయ‌బోతున్నాడ‌ట.
ఆస‌క్తిక‌ర‌మైన విష‌య‌మేమంటే ఇదొక మ‌ల్టీస్టార‌ర్ అని టాక్‌. మరో హీరో కోసం ఇంద్ర‌గంటి అన్వేష‌ణ‌లో ఉన్నాడ‌ట. ఈ సినిమాను దిల్‌రాజు నిర్మించే అవ‌కాశాలున్నాయ‌ని ఫిలింన‌గ‌ర్ వ‌ర్గాల స‌మాచారం. అయితే ఇంత‌కు ముందు నాని నటించిన మ‌ల్టీస్టార‌ర్ దేవ‌దాస్ పెద్ద‌గా వ‌ర్క‌వుట్ కాలేదు. మ‌రి ఈసారైనా మ‌ల్టీస్టార‌ర్ నానికి క‌లిసొస్తుందా అని తెలియాలంటే కొంత‌కాలం వెయిట్ చేయాల్సిందే..