నాని హీరోయిన్ ఫిక్స్‌..
- IndiaGlitz, [Thursday,August 16 2018]
నేచుర‌ల్ స్టార్ నాని బిగ్ బాస్ సీజ‌న్‌తో పాటు.. రెండు సినిమాల‌తో బిజీగా ఉన్నాడు. అందులో ఒక‌టి నాగార్జున‌తో చేస్తున్న మ‌ల్టీస్టార‌ర్ 'దేవ‌దాస్‌' కాగా.. మ‌రోటి 'మ‌ళ్ళీరావా' ఫేమ్ గౌత‌మ్ తిన్న‌నూరి ద‌ర్శ‌క‌త్వంలో 'జెర్సీ' సినిమా చేస్తున్నాడు. ఈ సినిమాలో హీరోయిన్‌గా శృతిహాస‌న్ స‌హా కొంత మంది పేర్లు వినిపించినా.. చివ‌రికి ద‌ర్శ‌క నిర్మాత‌లు కొత్త హీరోయిన్ వైపుకే మొగ్గు చూపార‌ట. మ‌ల‌యాళీ మ‌ద్దుగుమ్మ రెబ్బా మోనిక జాన్ హీరోయిన్‌గా ఎంట్రీ ఇస్తుంది. ఈమె తెలుగు, త‌మిళంలో న‌టిస్తున్న ఓ హీరోయిన్‌కి క‌జిన్ అవుతుంద‌ని స‌మాచారం.
ఈ జెర్సీ చిత్రంలో నాని మూడు షేడ్స్ ఉన్న పాత్ర‌లో న‌టిస్తున్నాడు. ఈ షేడ్స్‌లో నలబై ఏళ్లు వ‌యసున్న వ్య‌క్తిగా కూడా నాని క‌నిపిస్తాడ‌ట. ఇంత‌కు ముందు 'ఎటో వెళ్ళిపోయింది మ‌న‌సు' చిత్రంలో నాని మూడు షేడ్స్‌లో న‌టించినా.. నలబై ఏళ్ల వ్య‌క్తిగా క‌న‌ప‌డ‌లేదు. అయితే జెర్సీలో మ‌ధ్య వ‌య‌స్కుడిగా క‌న‌ప‌డ‌నుండ‌టం విశేషం.