நடிகை பிரியங்கா மோகனுக்கு பட்டம் வழங்கிய நானி.. என்ன பட்டம் தெரியுமா?
- IndiaGlitz, [Monday,August 19 2024]
நானி, பிரியங்கா மோகன், எஸ்ஜே சூர்யா உள்ளிட்டோர் நடித்த ’சூர்யாவின் சனிக்கிழமை’ என்ற திரைப்படம் வரும் 29ஆம் தேதி வெளியாக இருக்கும் நிலையில் இந்த படத்தின் அறிமுக விழா சென்னையில் நடந்த போது நானி, பிரியங்காவுக்கு பட்டம் அளித்தது பரபரப்பை ஏற்படுத்தி உள்ளது.
தெலுங்கு திரையுலகின் நேச்சுரல் ஸ்டார் என்று அழைக்கப்படும் நானி முக்கிய வேடத்தில் நடித்துள்ள ’சனிபோதா சனிவாரம்’ என்ற படம் தமிழ் உள்பட ஐந்து மொழிகளில் வரும் 29ஆம் தேதி வெளியாகியுள்ளது.
சென்னையில் இந்த படத்தின் அறிமுக விழா நேற்று நடந்த நிலையில் இதில் நானி, பிரியங்கா மோகன், எஸ்ஜே சூர்யா உள்ளிட்டோர் கலந்து கொண்டனர். இதில் நானி பேசியபோது, ’ஒவ்வொரு முறை தமிழகத்துக்கு வரும்போது தமிழ் மக்களின் அன்பை வியந்து பார்க்கிறேன், சென்னைக்கு வரும்போது எல்லாம் ரசிகர்கள் என் மீது காட்டும் அன்பு என்னை பிரமிக்க வைக்கும் என்று தெரிவித்தார்.
மேலும் இந்த படத்தில் பிரியங்கா மோகன் நேச்சுரலாக நடித்துள்ளார் என்றும் அவருக்கு எனது நேச்சுரல் ஸ்டார் என்ற பட்டத்தை நான் அளிக்கிறேன் என்றும் கூறியவுடன் பிரியங்கா மோகன் வெட்கத்தால் தலை குனிந்தார்.
மேலும் இந்த படத்தில் நான் செகண்ட் ஹீரோ தான், இந்த படத்தின் உண்மையான ஹீரோ எஸ்ஜே சூர்யா தான் என்றும் அவர் திரையில் தோன்றும் போதெல்லாம் உற்சாகமாக இருக்கும்’ என்றும் அவர் தெரிவித்தார்.