'రేయ్ నేనింకా థ్రిల్ల‌ర్ జోన‌ర్‌లోనే ఉన్నాను. సైకో కిల్ల‌ర్ జోన‌ర్‌లోకి వెళ్లేలోపు మొద‌లెట్టేద్దాం' అనే ఆఖ‌రి పంచ్ డైలాగ్ ని నాని చెప్ప‌గానే కీక్‌మంటూ వినిపించే బ్యాక్‌గ్రౌండ్ స్కోర్‌తో 'నానీస్ గ్యాంగ్ లీడ‌ర్‌' ట్రైల‌ర్ మ‌ళ్లీ మ‌ళ్లీ చూడాల‌నిపించేలా ఉంది. ఐదుగురు ఆడ‌వారితో ఒక్క‌డిగా నాని న‌టించిన చిత్రం 'నానీస్ గ్యాంగ్‌లీడ‌ర్‌'. విక్ర‌మ్ కె.కుమార్ ద‌ర్శ‌క‌త్వం వ‌హించిన చిత్ర‌మిది. నాని ప‌క్క‌న ప్రియాంక న‌టించింది. ల‌క్ష్మి, శ‌ర‌ణ్య కీల‌క పాత్ర‌ల్లో క‌నిపిస్తున్నారు. ఆర్‌.ఎక్స్.100 కార్తికేయ విల‌న్‌గా క‌నిపిస్తున్నారు. ప్రొడ్యూస‌ర్స్ గిల్డ్ సూచ‌న మేర‌కు ఈ నెల 13న నానీస్ గ్యాంగ్‌లీడ‌ర్ విడుద‌ల కానుంది. ఇటీవ‌ల అనిరుద్ సంగీతం చేసిన పాట‌ల‌ను ఒక్కొక్క‌టిగా విడుద‌ల చేస్తున్నారు. తాజాగా బుధ‌వారం ఉద‌యం నానీస్ గ్యాంగ్ లీడ‌ర్ ట్రైల‌ర్ విడుద‌ల చేశారు. ట్రైల‌ర్ ఆద్యంతం ఆక‌ట్టుకునేలా ఉంది.

నాని త‌న స‌హ‌జ‌మైన న‌ట‌న‌తో ఆక‌ట్టుకున్నాడు.సింపుల్ డైలాగుల‌ను ఆర్టిస్టులు చెప్పే తీరు, దానికి అవ‌త‌లివారి రియాక్ష‌న్ చూస్తూ క‌డుపుబ్బ న‌వ్వొస్తుంది.
ఉదాహ‌ర‌ణ‌కు అస‌లు ప్లాన్ ఏంటి? అని ప్రియాంక అడిగిన‌ప్పుడు 'ప్ర‌పంచంలో ఎంత మ‌గ‌వాడినైనా మాయ చేయ‌గ‌లిగే ఒకే ఒక్క ప‌వ‌ర్ ఫుల్ వెప‌న్ ... అమ్మాయి' అని నాని చెప్ప‌గానే వెన‌క నుంచి ల‌క్ష్మి 'నేవెళ‌తా నే వెళ‌తా' అని అన‌డం, అందుకు చుట్టూ ఉన్న‌వారు ఒక్క‌సారిగా ఆమె వైపు చూడ‌టం ప్రేక్ష‌కుల‌కు క‌డుపుబ్బా న‌వ్వు తెప్పిస్తాయి. ఆ వెంట‌నే మెగాస్టార్ చిరంజీవి మాస్క్ వేసుకుని నాని న‌డిచిరావ‌డం మెగా ఫ్యాన్స్ కు ట్రీటే.

అస‌లు ట్రైల‌ర్ స్టార్టింగ్‌లో టీవీ చూసి అందులోని డైలాగుల‌ను య‌థాత‌థంగా నాని రాసుకోవ‌డం, అత‌ను రైట‌ర్‌గా ఎస్టాబ్లిష్ అయ్యే స‌న్నివేశాలు కూడా స‌ర‌దాగా ఉంటాయి. 'మా రైట‌ర్స్ ప్ర‌పంచం అంతా ఇంతే. పుస్త‌కాల‌తో నిండిపోయి ఉంటుంది. ఆక‌లేస్తే అక్ష‌రాలు తింటాం. చ‌లేస్తే పుస్త‌కాలు క‌ప్పుకుంటాం' వంటి డైలాగులు ఆస‌మ్‌గా అనిపిస్తున్నాయి. ఆద్యంతం అక్ష‌రాల జిమ్మిక్కుల‌తో క‌ట్టిప‌డేసింది 'నానీస్ గ్యాంగ్‌లీడ‌ర్'. నాని నుంచి మ‌రో నేచుర‌ల్ సినిమా వ‌స్తున్న‌ట్టు అనిపిస్తోంది. కార్తికేయ లుక్స్ కూడా ఆక‌ట్టుకుంటున్నాయి. ట్రైల‌ర్ ని గ‌మ‌నిస్తే మైత్రీ మూవీస్‌కి హిట్ ఖాయం అనే అనిపిస్తోంది. ఆల్ ది బెస్ట్ టు ది 'నానీస్ గ్యాంగ్‌లీడ‌ర్‌' టీమ్... ఫ్ర‌మ్ ఇండియాగ్లిడ్జ్.