నాని.. ఫిబ్రవరి సందడి
- IndiaGlitz, [Saturday,November 25 2017]
నేచుర‌ల్ స్టార్ నాని వ‌రుస విజ‌యాల‌తో మంచి ఫామ్‌లో ఉన్నారు. మ‌రోవైపు చేతినిండా సినిమాల‌తో బిజీగా ఉన్నారు. ప్రస్తుతం ఆయ‌న చేస్తున్న ఎం.సి.ఎ, కృష్ణార్జున యుద్ధం చిత్రాలు రెండు నెల‌ల గ్యాప్‌లో సందడి చేసేందుకు సిద్ధ‌మ‌వుతున్న సంగ‌తి తెలిసిందే.
డిసెంబ‌ర్‌లో ఎం.సి.ఎ రిలీజ్ కానుండ‌గా.. ఫిబ్ర‌వ‌రిలో కృష్ణార్జున యుద్ధం విడుద‌లకు సిద్ధ‌మౌతోంది. ఫిబ్రవరి నానికి బాగా క‌లిసొచ్చిన నెల అనే చెప్పాలి. 2016లో కృష్ణ‌గాడి వీర ప్రేమ‌గాథ, 2017లో నేను లోక‌ల్ చిత్రాలు ఈ నెల‌లోనే వ‌చ్చి విజ‌యం సాధించాయి కూడా. 2018లో కృష్ణార్జున యుద్ధంతో అదే నెల‌లో రానున్నారు నాని.
అంతేకాకుండా.. తాను నిర్మాత‌గా వ్య‌వ‌హ‌రిస్తున్న అ! చిత్రాన్ని కూడా అదే ఫిబ్ర‌వ‌రిలో విడుదల చేసేందుకు ప్ర‌ణాళిక వేసుకున్నారు. ఈ చిత్రానికి సంబంధించిన పోస్ట‌ర్ ని కూడా శ‌నివారం విడుదల చేసారు. నిత్యా మీన‌న్‌, కాజ‌ల్‌, రెజీనా, అవ‌స‌రాల శ్రీ‌నివాస్ ముఖ్య పాత్ర‌ల్లో న‌టిస్తున్న ఈ చిత్రానికి ర‌వితేజతో పాటు నాని కూడా వాయిస్ ఓవ‌ర్ ఇస్తున్నారు.
మొత్త‌మ్మీద.. ఫిబ్ర‌వ‌రిలో హీరోగా కృష్ణార్జున యుద్ధం.. నిర్మాత‌గా అ!తో బాగానే సందడి చేయ‌నున్నారు ఈ నేచుర‌ల్ స్టార్.