మిలియన్ డాలర్స్ క్లబ్ లోకి నాని
- IndiaGlitz, [Thursday,February 16 2017]
నేచుర‌ల్ స్టార్ నాని హీరోగా దిల్‌రాజు నిర్మాత‌గా త్రినాథ‌రావు న‌క్కిన ద‌ర్శ‌క‌త్వంలో రూపొందిన క్యారెక్ట‌ర్ బేస్‌డ్ ల‌వ్‌స్టోరీ 'నేను లోకల్'. ఫిబ్ర‌వ‌రి 3న విడుద‌లైన ఈ చిత్రం హిట్ టాక్‌తో భారీ ఓపెనింగ్స్‌ను సాధించింది. తెలుగు రాష్ట్రాల‌తో పాటు ఓవ‌ర్‌సీస్‌లో కూడా నేను లోకల్ మంచి క‌లెక్ష‌న్స్‌ను సాధిస్తుంది.
తొలి మూడు రోజుల్లోనే హాఫ్ మిలియన్ డాల‌ర్ల మార్కును దాటేసిన ఈ చిత్రం మిలియన్ డాలర్స్ సాధించి నాని కెరీర్‌లో మిలియన్ డాల‌ర్స్‌ను సాధించిన మూడో సినిమాగా నానికి ఓ రికార్డును సాధించి పెట్టింది. ఇప్ప‌టి వ‌ర‌కు నాని ఈగ, భ‌లే భ‌లే మ‌గాడివోయ్ చిత్రాల‌తో ఓవ‌ర్‌సీస్‌లో మిలియన్ డాల‌ర్ హీరో అయ్యాడు. తాజాగా నేను లోక‌ల్‌తో మూడోసారి ఈ క్రెడిట్‌ను త‌న సొంతం చేసుకున్నాడు.