నేచుర‌ల్ స్టార్ నాని క‌థానాయ‌కుడిగా న‌టించిన చిత్రం నేను లోక‌ల్‌. కీర్తి సురేష్ హీరోయిన్‌గా న‌టించిన ఈ సినిమా ఈ ఏడాది ఫిబ్ర‌వ‌రిలో విడుద‌లై మంచి విజ‌యం సాధించింది. త్రినాథ‌రావు న‌క్కిన ద‌ర్శ‌క‌త్వంలో హిట్ చిత్రాల నిర్మాత దిల్ రాజు ఈ సినిమాని తెర‌కెక్కించిన సంగ‌తి తెలిసిందే. నేను లోక‌ల్ త‌రువాత మెగాప‌వ‌ర్‌స్టార్ రామ్‌చ‌ర‌ణ్‌తో త్రినాథ‌రావు ఓ సినిమా చేయ‌బోతున్నాడంటూ ఆ మ‌ధ్య వార్త‌లు వినిపించాయి. అయితే అది వ‌ర్క‌వుట్ కాలేదని తెలిసింది.

కాగా, తాజాగా వినిపిస్తున్న క‌థ‌నాల ప్ర‌కారం ఎనర్జిటిక్ స్టార్ రామ్‌తో త్రినాథ‌రావు ఓ సినిమా చేయ‌బోతున్నాడ‌ని తెలిసింది. ఇప్ప‌టికే రామ్‌కి త్రినాథ‌రావు ఓ క‌థ వినిపించాడ‌ని.. అది న‌చ్చ‌డంతో రామ్ వెంట‌నే గ్రీన్ సిగ్న‌ల్ ఇచ్చాడ‌ని ఫిల్మ్‌న‌గ‌ర్ వ‌ర్గాలు ముచ్చ‌టించుకుంటున్నాయి. వ‌చ్చే ఏడాది ఫిబ్ర‌వ‌రిలో ఈ సినిమా సెట్స్ పైకి వెళ్ల‌నుంద‌ని స‌మాచార‌మ్‌.

రామ్ క‌థానాయ‌కుడిగా న‌టించిన తాజా చిత్రం ఉన్న‌ది ఒక‌టే జింద‌గీ రేపు ప్రేక్ష‌కుల ముందుకు రానుంది. అనుప‌మ ప‌ర‌మేశ్వ‌ర‌న్‌, లావ‌ణ్య త్రిపాఠి హీరోయిన్స్‌గా న‌టించిన ఈ చిత్రానికి నేను శైల‌జ ఫేమ్ కిషోర్ తిరుమ‌ల ద‌ర్శ‌క‌త్వం వ‌హించారు.