నాని సినిమాకి బాల‌య్య టైటిల్
- IndiaGlitz, [Tuesday,December 15 2015]
నాని హీరోగా అందాల రాక్షసి ఫేం హ‌ను రాఘ‌వ‌పూడి ద‌ర్శ‌క‌త్వంలో ఓ చిత్రం రూపొందుతున్న విష‌యం తెలిసిందే. ఈ చిత్రాన్ని 14 రీల్స్ ఎంట‌ర్ టైన్మెంట్ సంస్థ నిర్మిస్తుంది. ఈ సినిమాలో నాని బాల‌య్య ఫ్యాన్ గా న‌టిస్తున్నారు. అందుచేత ఈ సినిమాలో నాని చేతిపై జై బాల‌య్య అనే టాటూ కూడా ఉంటుంది. ఇది చూసి ఈ సినిమాకి జై బాల‌య్య టైటిల్ అంటూ వార్త‌లు వ‌చ్చాయి. ఆ వార్త‌లను హీరో నాని ఖండించ‌డం కూడా జ‌రిగింది.
ఇదిలా ఉంటే... బాల‌య్య కెరీర్ లో మ‌ర‌చిపోలేని చిత్రంగా నిలిచిన మంగ‌మ్మ గారి మ‌న‌వ‌డు టైటిల్ నే ఈ చిత్రానికి టైటిల్ గా పెడుతున్నార‌ని టాక్. ప్ర‌స్తుతం షూటింగ్ పూర్తి చేసుకుని నిర్మాణానంతర కార్యక్రమాలు జ‌రుపుకుంటుంది. అతి త్వ‌ర‌లోనే ఈ సినిమా టైటిల్ ఎనౌన్స్ చేయ‌నున్నారు.