నాని 25వ చిత్రం ‘వి’ ఓటీటీ విడుద‌ల‌కు సిద్ధ‌మ‌వుతుంద‌ని వార్త‌లు వినిపిస్తున్నాయి. ఈ క్ర‌మంలో నాని 26వ చిత్రం ‘ట‌క్ జ‌గ‌దీష్‌’పై ఫోక‌స్ పెట్టారు. ఈ సినిమా ఇప్ప‌టికే న‌ల‌బై శాతం చిత్రీక‌ర‌ణ‌ను పూర్తి చేసుకున్న సంగ‌తి తెలిసిందే. మిగిలిన పార్ట్ పూర్తి చేసుకోవాలంటే.. క‌రోనా ప‌రిస్థితులు చ‌క్క‌బ‌డాల్సిన అవ‌స‌రం ఉంది. దీంతో ఇండ‌స్ట్రీ మొత్తం వ్యాక్సిన్ కోసం ఆతృత‌గా ఎద‌రుచూస్తున్నారు. లేటెస్ట్‌గా నాని 26వ చిత్రం ‘ట‌క్ జ‌గ‌దీష్‌’ థియేట్రిక‌ల్ డీల్ పూర్త‌య్యింద‌ని వార్త‌లు వినిపిస్తున్నాయి. వివ‌రాల మేర‌కు దిల్‌రాజు, శిరీష్‌ల‌తో క‌లిసి ప‌నిచేసిన నిర్మాత ల‌క్ష్మ‌ణ్ ఇప్పుడు సొంత డిస్ట్రిబ్యూష‌న్ ఆఫీసును స్టార్ట్ చేసుకున్నారు. ఈ సంస్థే నాని ‘ట‌క్ జ‌గ‌దీష్‌’ థియేట్రిక‌ల్ హ‌క్కుల‌ను ద‌క్కించుకుంద‌ని టాక్. వ‌చ్చే ఏడాది స‌మ్మ‌ర్‌లోనే ఈ సినిమా విడుద‌ల‌య్యే అవకాశం క‌నిపిస్తోంది.

నిన్నుకోరి చిత్రం త‌ర్వాత నాని, శివ నిర్వాణ కాంబినేష‌న్‌లో రూపొందుతోన్న చిత్ర‌మిది. సాహు గార‌పాటి, హ‌రీష్ పెద్ది ఈ చిత్రాన్ని షైన్ స్క్రీన్స్ బ్యాన‌ర్‌పై నిర్మిస్తున్నారు. రీతూవ‌ర్మ‌, ఐశ్వ‌ర్య రాజేశ్ హీరోయిన్స్‌గా న‌టిస్తున్నారు. నిన్నుకోరి, మ‌జిలీ చిత్రాల త‌ర్వాత శివ నిర్వాణ ద‌ర్శ‌క‌త్వంలో రూపొందుతోన్న చిత్ర‌మిది.