2020లో నేచుర‌ల్ స్టార్ నాని త‌న 25వ చిత్రం ‘వి’తో ప్రేక్ష‌కుల ముందుకు రాగా.. సినిమా డిజాస్ట‌ర్ టాక్‌ను సంపాదించుకుంది. సినిమా ఓటీటీలో విడుద‌ల కావ‌డంతో.. రైట్స్‌ను ముందుగానే అమ్ముకున్న నిర్మాత దిల్‌రాజు సేఫ్ అయ్యాడు. ఇప్పుడు నాని చేతిలో మూడు సినిమాలున్నాయి. మ‌రో రెండు డిస్క‌ష‌న్ ద‌శ‌లో ఉన్నాయి. అందులో ప్ర‌స్తుతం విడుద‌ల‌కు సిద్ధం అవుతున్న సినిమా ‘ట‌క్ జ‌గ‌దీష్‌’. శివ నిర్వాణ ద‌ర్శ‌క‌త్వంలో సినిమా శ‌ర‌వేగంగా తెర‌కెక్కుతోంది. లేటెస్ట్ స‌మాచారం ఈ సినిమా ఓ బడా ప్రొడ్యూస‌ర్ భారీ ఆఫ‌ర్ ఇచ్చాడ‌ట‌.

సినిమాకు రూ.47 కోట్లకు హ‌క్కులు ఇచ్చేయ‌మ‌ని అడిగాడట‌. సినిమాకు దాదాపు రూ.35 కోట్లు కావ‌డంతో నిర్మాత‌లు కూడా ఈ డీల్‌కు ఓకే అన్న‌ట్లుగానే వార్త‌లు వినిపిస్తున్నాయి.‘నిన్ను కోరి’ త‌ర్వాత నాని, శివ నిర్వాణ కాంబినేష‌న్‌లో రూపొందుతోన్న చిత్రం కావ‌డమే కాకుండా, శివ నిర్వాణ గ‌త చిత్రం ‘మ‌జిలీ’ కూడా సూప‌ర్‌డూప‌ర్‌హిట్ అయ్యింది. దీంతో స‌ద‌రు బడా ప్రొడ్యూస‌ర్ ఈ రేంజ్ డీల్‌ను నాని 26వ సినిమాకు ఇచ్చాడ‌ని అంటున్నారు. మ‌రి ఈ వార్త‌ల‌పై నిర్మాత‌లు ఎలా స్పందిస్తారో వేచి చూడాలి.

ఈ సినిమా త‌ర్వాత నాని త‌న 27వ సినిమా ‘శ్యామ్ సింగ‌రాయ్’ సెట్స్‌పైకి వెళ్ల‌డానికి సిద్ధంగా ఉంది. దీన్ని రాహుల్ సంక్రిత్యాన్ తెర‌కెక్కించ‌నున్నాడు. దీని త‌ర్వాత నాని 28వ సినిమాగా వివేక్ ఆత్రేయ ద‌ర్శ‌క‌త్వంలో ‘అంటే.. సుంద‌రానికీ..’ సినిమా రూపొంద‌నుంది.