అష్టాచమ్మా డైరెక్టర్‌తో నాని 25 మూవీ...
- IndiaGlitz, [Monday,April 29 2019]
'జెర్సీ' మూవీ సూపర్ డూపర్ హిట్టవ్వడంతో నేచురల్ స్టార్ నాని ఆనందంలో మునిగితేలుతున్నాడు. జెర్సీ తర్వాత మరో స్టార్ డైరెక్టర్‌తో సినిమా చేయాలని నాని తహతహలాడుతున్నాడు. తనను 'అష్టా చమ్మా' సినిమాతో మోహన్ ఇంద్రగంటి టాలీవుడ్ ఇండస్ట్రీకి పరిచయం చేసిన సంగతి తెలిసిందే. మొదటి సినిమాతోనే మోహన్.. నానికి హిట్ ఇచ్చారు. అయితే నానితో అదే దర్శకుడు 25 సినిమాను త్వరలో తెరకెక్కించనున్నారు. ఈ విషయాన్ని నాని ట్విట్టర్ వేదికగా స్పష్టం చేశాడు. అయితే మోహన్ తెరకెక్కించబోయే చిత్రం చాలా డిఫరెంట్‌గా ఉంటుందని నాని చెబుతున్నాడు. ‘వి’ అనే రెడ్ సింబల్‌తో ఉండే ఓ ఫొటోను సైతం నాని పోస్ట్ చేశాడు.
నేచురల్ స్టార్ ట్వీట్‌కు పలువురు అభిమానులు, నెటిజన్లు పెద్ద ఎత్తున స్పందిస్తున్నారు. ఆల్ ది బెస్ట్ నాని అంటూ కొందరు అభిమానులు.. ఈసారి కూడా మనమే దున్నేయాలి నాని అన్న అంటూ మరికొందరు అభిమానులు కామెంట్స్ చేస్తున్నారు. అంతేకాదు కొందరు అభిమానులు.. నివేధ థామస్, అదితీ రావులను హీరోయిన్లగా తీసుకోండి అంటూ సూచిస్తున్నారు. సో ఫైనల్‌గా సినిమా టైటిల్ ఏది ఫిక్స్ అవుతుందో..? నటీనటలెవరో తెలియాలంటే మరికొన్ని రోజులు వేచి చూడాల్సిందే మరి.
కాగా.. విక్రమ్ కె. కుమార్ దర్శకత్వంలో తెరకెక్కుతున్న రొమాంటిక్ ఎంటర్ టైనర్ మూవీకి 'గ్యాంగ్ లీడర్' అనే క్యాచీ టైటిల్ పెట్టిన సంగతి తెలిసిందే. ఇందులో గ్యాంగ్ లీడర్ అంటే మెగాస్టార్ చిరంజీవి 'గ్యాంగ్ లీడర్' టైపు కాకుండా.. నేచురల్ స్టార్‌ది సెపరేట్ గ్యాంగ్.. అని అదే ఐదుగురు ఆడవాళ్ల గ్యాంగ్.. ఆ గ్యాంగ్‌కి ‘గ్యాంగ్ లీడర్’ గా నాని ఉంటారని జెర్సీ మూవీ కంటే ముందు పెద్ద హంగామా జరిగిన సంగతి తెలిసిందే. అయితే ఈ సినిమా వ్యహారం పూర్తికాక మునుపే మోహన్ ఇంద్రగంటితో సినిమా అని నాని చెబుతున్నాడు. అయితే ఈ రెండింటిలో ముందు ఏ సినిమా షూటింగ్ ఉంటుందో మరి వేచి చూడాలసిందే.