சண்டைக்காட்சிகளில் ரிஸ்க் எடுத்து நடித்த பிரபல நடிகை
- IndiaGlitz, [Sunday,August 05 2018]
கோலிவுட் திரையுலகில் தற்போது நடிகைகள் ரிலிஸ் எடுத்து ஆக்சன் காட்சிகளில் நடிப்பது அதிகரித்து வருகிறது. அழகு பதுமையாகவும், பாடல் காட்சிகளுக்கு நடனமாடும் காட்சிகளில் மட்டும் நடித்து வந்த நடிகைகள் தற்போது ஆக்சன் காட்சிகளிலும் நடித்து வருவதும் அதற்கான பயிற்சிகளில் ஈடுபடுவதும் ஒரு முன்னேற்றமாக பார்க்கப்படுகிறது.
'சீமராஜா' படத்தில் நடிகை சமந்தா சிலம்பாட்ட மாஸ்டராக நடித்துள்ளார் என்பதும், 'மோகினி' படத்தில் த்ரிஷாவும், 'இமைக்கா நொடிகள்' படத்தில் நயன்தாராவும் ஆக்சன் காட்சிகளில் நடித்துள்ளனர் என்பதும் குறிப்பிடத்தக்கது.
இந்த நிலையில் தெலுங்கு படமான 'ஸ்ரீனிவாச கல்யாணம்' என்ற படத்தில் நடிகை நந்திதா ரிஸ்க்கான சண்டைக்காட்சிகளில் டூப் இன்றி நடித்துள்ளதாக தெரிவித்துள்ளார்., நிதின் நாயகனாக நடிக்கும் இந்த படத்தில் நந்திதா, பத்மாவதி என்ற கிராமத்து பெண் கேராக்டரில் நடித்துள்ளார் என்பது குறிப்பிடத்தக்கது.
மேலும் 'சதுரங்க வேட்டை' தெலுங்கு ரீமேக் மற்றும் 'டார்லிங் 2' தெலுங்கு ரீமேக் ஆகியவைகளில் நடித்து வரும் நந்திதா, தமிழில் 'நர்மதா' என்ற படத்தில் வைபவுடன் நடித்து வருகிறார் என்பது குறிப்பிடத்தக்கது