தளபதி விஜய் நடித்த 'புலி' மற்றும் விஜய்சேதுபதி நடித்த 'இதற்குத்தானா ஆசைப்பட்டாய் பாலகுமாரா' போன்ற படங்கள் உள்பட பல படங்களில் நடித்த வளர்ந்து வரும் நடிகையான நந்திதா, முதல்முறையாக 7 வயது குழந்தைக்கு தாயாக நடிக்கவுள்ளதாக செய்திகள் வெளிவந்துள்ளது.

இயக்குனர் பாலா உள்பட பல முன்னணி இயக்குகளிடம் உதவி இயக்குனராக பணியாற்றிய கீதா ராஜ்புட் என்பவர் இயக்கவுள்ள 'நர்மதா' என்ற படத்தில் நந்திதா 7 வயது குழந்தைக்கு தாயாக நடிக்கவுள்ளதாகவும், நாயகிக்கு முக்கியத்துவம் வாய்ந்த இந்த படம், அம்மா-மகன் பாசத்தை வெளிப்படுத்தும் கதையம்சம் கொண்டது என்றும் இயக்குனர் கீதா தெரிவித்துள்ளார். 

முதல்முறையாக அம்மா கேரக்டரில் அதிலும் 7 வயது குழந்தைக்கு அம்மா கேரக்டரில் நடிக்க முதலில் நந்திதா தயங்கியதாகவும், பின்னர் இந்த கேரக்டரை முழுவதும் புரிந்து கொண்ட பின்னர் இந்த படத்தில் நடிக்க நந்திதா சம்மதம் தெரிவித்ததாகவும் கீதா கூறியுள்ளார்.

நந்திதாவின் மகனாக ரெனேஷ் என்ற சிறுவன் நடிக்கவுள்ளதாகவும் மேலும் விஜய் வசந்த், எம்.எஸ்.பாஸ்கர் மற்றும் சந்தோஷ் பிரதாப் உள்ளிட்ட பலர் இந்த படத்தில் நடிக்கவுள்ளதாகவும், இந்த படத்தின் படப்பிடிப்பு வரும் 15ஆம் தேதி தொடங்கவுள்ளதாகவும் படக்குழுவினர் கூறியுள்ளனர்.