మ‌రో హార‌ర్ థ్రిల్ల‌ర్‌లో నందితాశ్వేతా
- IndiaGlitz, [Saturday,June 23 2018]
'ఎక్క‌డికి పోతావు చిన్న‌వాడా' వంటి హార‌ర్ చిత్రంలో దెయ్యం ప‌ట్టి అమ్మాయి పాత్ర‌లో మెప్పించిన హీరోయిన్ నందితా శ్వేత. ఇప్పుడు త‌మిళ సినిమాల్లో త‌ల్లి పాత్ర‌లో కూడా న‌టిస్తుంది. వైవిధ్య‌భ‌రిత‌మైన పాత్ర‌లు చేయ‌డానికి ఆస‌క్తి చూపే ఈ హీరోయిన్ ఇప్పుడు మ‌రో తెలుగు చిత్రంలో న‌టించ‌డానికి అంగీక‌రించింది.
వివ‌రాల్లోకెళ్తే.. స‌క్సెస్‌ఫుల్ హార‌ర్ కామెడీ 'ప్రేమ‌క‌థా చిత్రం' సీక్వెల్‌గా రూపొందుతోన్న చిత్రం 'ప్రేమ‌క‌థా చిత్రం 2'. సుమంత్ అశ్విన్ హీరోగా న‌టిస్తున్నాడు. హ‌రికిష‌న్ ద‌ర్శ‌క‌త్వంలో తెర‌కెక్కుతోన్న ఈ చిత్రంలో ఇద్ద‌రు హీరోయిన్స్ ఉంటారు. నందితా శ్వేతా పాటు 'జంబ‌ల‌కిడి పంబ' ఫేమ్ సిద్ది ఇద్నాని మ‌రో హీరోయిన్‌గా న‌టిస్తుంది.