ఆ ఆత్మీయ‌త మ‌రువ‌లేనంటున్న నందిత
- IndiaGlitz, [Thursday,November 26 2015]
నీకు నాకు సినిమాతో తెలుగు తెర‌కు హీరోయిన్ గా ప‌రిచ‌య‌మైన క‌థానాయిక నందిత. నిఖిల్ తో క‌ల‌సి నందిత న‌టించిన శంక‌రాభ‌ర‌ణం సినిమా డిసెంబ‌ర్ 4న ప్రేక్ష‌కుల ముందుకు వ‌చ్చేందుకు రెడీ అవుతుంది. ప్ర‌స్తుతం నందిత నారా రోహిత్ స‌ర‌స‌న సావిత్ర సినిమాలో న‌టిస్తుంది.
ఈ చిత్రం ప‌శ్చిమ గోదావ‌రి జిల్లా ఏలూరు ప‌రిస‌ర ప్రాంతాల్లో శ‌ర‌వేగంగా షూటింగ్ జ‌రుపుకుంటుంది. నిన్న‌టితో అక్క‌డ షూటింగ్ పూర్తి చేసుకున్న నందిత మీడియాతో మాట్లాడుతూ...క‌థా బలం ఉన్న పాత్ర‌లు మంచి గుర్తింపు తీసుకువ‌స్తాయి. అలాంటి పాత్ర‌లు పోషించ‌డానికే ప్రాధాన్య‌త ఇస్తాను. షూటింగ్ స‌మ‌యంలో ఇక్క‌డ ప్ర‌జ‌లు ఎంతో ఆత్మీయ‌త చూపించారు. ఆ ఆత్మీయ‌త‌ను ఎప్ప‌టికీ మ‌రువ‌లేను అంటోంది క‌థానాయిక నందిత.