నందినీ న‌ర్సింగ్ హోమ్ సెన్సార్ పూర్తి..!
- IndiaGlitz, [Saturday,October 15 2016]
ప్ర‌ముఖ ద‌ర్శ‌కురాలు విజ‌య‌నిర్మ‌ల మ‌న‌వ‌డు న‌వీన్ వికె హీరోగా పి.వి గిరి తెర‌కెక్కించిన చిత్రం నందిని న‌ర్సింగ్ హోమ్. ఈ టైటిల్ కి ఇక్క‌డ అంతా క్షేమ‌ము అనేది ట్యాగ్ లైన్. న‌వీన్, నిత్యా, శ్రావ్య హీరో, హీరోయిన్స్ గా న‌టించిన నందిని న‌ర్సింగ్ హోమ్ చిత్రాన్ని ఎస్.వి.పి ఎంటర్ టైన్మెంట్ బ్యాన‌ర్ పై రాధా కిషోర్ జి, భిక్ష‌మ‌య్య సంగం సంయుక్తంగా నిర్మించారు.
ఈ చిత్రానికి సెన్సార్ బోర్డ్ యు/ఎ స‌ర్టిఫికెట్ ఇచ్చింది. సూప‌ర్ స్టార్ మ‌హేష్ బాబు ఇటీవ‌ల రిలీజ్ చేసిన నంద‌నీ న‌ర్సింగ్ హోమ్ ఆడియోకు మంచి స్పంద‌న ల‌భిస్తుంది. సినిమాకు కూడా ఆడియోన్స్ నుంచి పాజిటివ్ రెస్పాన్స్ వ‌స్తుంద‌ని టీమ్ కాన్ఫిడెంట్ గా ఉన్నారు. ఎడిట‌ర్ గా వ‌ర్క్ చేసిన న‌వీన్ ఇప్పుడు హీరోగా ప‌రిచ‌యం అవుతుండ‌డంతో న‌రేష్ ఆనందం వ్య‌క్తం చేస్తూ.... త‌న త‌న‌యుడు న‌వీన్ వికె తొలి చిత్రాన్నిఆద‌రించాల‌ని ప్రేక్ష‌కుల‌ను కోరుకుంటున్నారు. ఈనెల 21న ఈ చిత్రాన్ని రిలీజ్ చేయ‌నున్నారు.