నంద‌మూరి బాల‌కృష్ణ త‌న‌యుడు మోక్ష‌జ్ఞ ఎంట్రీ కోసం నంద‌మూరి అభిమానులు ఆస‌క్తిగా ఎదురుచూస్తున్న సంగ‌తి తెలిసిందే. మోక్ష‌జ్ఞ ఎంట్రీపై సోష‌ల్ మీడియాలో ఏదో ర‌కంగా వార్త‌లు విన‌ప‌డుతూనే వ‌స్తున్నాయి. కానీ ఇప్ప‌టి వ‌ర‌కు స్ప‌ష్ట‌మైన ప్ర‌క‌ట‌న ఏదీ రాలేదు. అయితే అప్పుడ‌ప్పుడు సోష‌ల్ మీడియాలో వ‌స్తున్న మోక్ష‌జ్ఞ ఫొటోలు నందమూరి అభిమానుల‌ను క‌ల‌వ‌ర‌పెడుతున్నాయ‌ట‌. రీసెంట్‌గా విడుద‌లైన బాల‌కృష్ణ ఫ్యామిలీ ఫొటోలో మోక్ష‌జ్ఞ కూడా ఉన్నాయి. అందులో మోక్ష‌జ్ఞ బొద్దుగా క‌న‌ప‌డుతున్నాడు. మోక్ష‌జ్ఞ హీరోగా ఎంట్రీ ఇవ్వ‌డంపై అభిమానులు ఎంతో ఆస‌క్తిగా ఎదురు చూస్తున్న త‌రుణంలో మోక్ష‌జ్ఞ లుక్ అంద‌రిలో కంగారెత్తిస్తుంది.

సీనియ‌ర్ ఎన్టీఆర్ త‌న‌యుడిగా బాల‌కృష్ణ హీరోగా వార‌సత్వాన్ని కొన‌సాగిస్తున్నారు. త‌ర్వాత చాలా మంది హీరోలు వ‌చ్చినా జూనియ‌ర్ ఎన్టీఆర్ మాత్ర‌మే అగ్ర హీరోగా నిల‌బ‌డ్డారు. తాజాగా ఇప్పుడు మ‌రో త‌రంలో హీరోల కోసం నంద‌మూరి అభిమానులు ఆస‌క్తిగా ఎదురుచూస్తున్న త‌రుణంలో అంద‌రూ మోక్షజ్ఞపైనే అంచ‌నాలు పెట్టుకున్నారు. మ‌రి మోక్ష‌జ్ఞ ఎంట్రీ ఎప్పుడో బాల‌కృష్ణ ఖరారు చేస్తాడు. వ‌చ్చే ఏడాది మోక్ష‌జ్ఞ ఎంట్రీ ఉండొచ్చున‌ని వార్త‌లు వ‌స్తున్నాయి.