ప్ర‌స్తుతం టాలీవుడ్‌లో ఓ ఆస‌క్తిక‌ర‌మైన చ‌ర్చ న‌డుస్తోంది. ఇంత‌కీ అదేమిటంటే.. మెగాహీరో చిత్రంలో నంద‌మూరి న‌టుడు న‌టించ‌బోతున్నాడట‌. కాస్త వివ‌రాల్లోకి వెళితే.. మెగాప‌వ‌ర్ స్టార్ రామ్ చ‌ర‌ణ్ క‌థానాయ‌కుడిగా మాస్ చిత్రాల ద‌ర్శ‌కుడు బోయ‌పాటి శ్రీ‌ను ద‌ర్శ‌క‌త్వంలో ఓ సినిమా రూపొంద‌నున్న సంగ‌తి తెలిసిందే. జ‌న‌వ‌రి 19 నుంచి సెట్స్ పైకి వెళ్ల‌నున్న ఈ చిత్రంలో నందమూరి ఫ్యామిలీకి చెందిన తార‌క‌ర‌త్న ఓ కీల‌క పాత్ర పోషించ‌బోతున్నాడ‌ని స‌మాచార‌మ్‌.

ఒక‌టో నెంబ‌ర్ కుర్రాడు చిత్రంతో క‌థానాయ‌కుడిగా ప‌రిచ‌య‌మైన తార‌క‌ర‌త్న ఆ త‌రువాత ప‌లు చిత్రాల్లో హీరోగా న‌టించాడు. అయితే అవేవీ ఆశించిన విజ‌యం సాధించ‌లేదు. ఎనిమిదేళ్ల క్రితం అమ‌రావ‌తి సినిమాలో విల‌న్‌గా క‌నిపించి.. ఏకంగా ఉత్త‌మ ప్ర‌తినాయ‌కుడిగా నందిని సొంతం చేసుకున్నారు. ఈ నేప‌థ్యంలో బోయ‌పాటి చిత్రంలో తార‌క‌ర‌త్న పోషించేది విల‌న్ క్యారెక్ట‌ర్ అయిఉండొచ్చ‌ని క‌థ‌నాలు వినిపిస్తున్నాయి. ఇప్ప‌టికే జ‌గ‌ప‌తిబాబు, ఆది పినిశెట్టి.. బోయపాటి చిత్రాల‌తో విల‌న్స్‌గా అల‌రించిన విష‌యం తెలిసిందే. త్వ‌ర‌లోనే దీనిపై క్లారిటీ వ‌స్తుంది.