சூர்யா-விக்னேஷ் சிவன் படத்தில் இணைந்த மற்றொரு காமெடி நடிகர்
- IndiaGlitz, [Sunday,November 27 2016]
விக்னேஷ் சிவன் இயக்கத்தில் சூர்யா நடித்து வரும் 'தானா சேர்ந்த கூட்டம்' படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தில் ஏற்கனவே பழம்பெரும் நகைச்சுவை நடிகர் செந்தில் மற்றும் இயக்குனர் சுரேஷ் மேனன் நடிக்கவுள்ள செய்தியை பார்த்தோம். இந்நிலையில் இந்த படத்தில் தற்போது மேலும் ஒரு காமெடி நடிகர் இணைந்துள்ளார்.
இளையதளபதி விஜய் நடித்த 'துப்பாக்கி' உள்பட பல படங்களில் காமெடி வேடம் ஏற்று கலக்கிய சத்யன் தான் தற்போது சூர்யா-விக்னேஷ் சிவன் படத்தில் இணைந்துள்ளார். விக்னேஷ் சிவனின் நடிகர், நடிகையர் தேர்வே இந்த படத்தின் எதிர்பார்ப்பை பலமடங்கு அதிகரித்து வருகிறது என்பது குறிப்பிடத்தக்கது.
சூர்யாவுக்கு ஜோடியாக முதன்முதலாக கீர்த்திசுரேஷ் நடிக்கும் இந்த படத்திற்கு இளம் இசைப்புயல் அனிருத் இசையமைக்கின்றார். ஸ்டுடியோக்ரீன் நிறுவனம் இந்த படத்தை தயாரிக்கின்றது.