தளபதி விஜய் நடித்த ’மாஸ்டர்’ திரைப்படம் மிகப் பெரிய வெற்றி பெற்ற நிலையில் அவருடைய அடுத்த படமான ’தளபதி 65’ திரைப்படத்தை நெல்சன் திலீப்குமார் இயக்கவுள்ளார் என்பது தெரிந்ததே. இந்த படத்தின் நாயகியாக பூஜா ஹெக்டே அல்லது ராஷ்மிகா மந்தனா நடிப்பார் என்று எதிர்பார்க்கப்படுகிறது.

மேலும் இந்த படத்தில் விடிவி கணேஷ், யோகிபாபு, குக் வித் கோமாளி புகழ் உள்ளிட்ட பலர் நடிக்க உள்ளதாகவும் கூறப்படுகிறது. மேலும் ’தளபதி 65’ படத்தின் இசையமைப்பாளர் அனிருத் என்பதும் அவர் தனது கம்போசிங் பணியை துவங்கி விட்டார் என்றும் கூறப்படுகிறது

இந்த நிலையில் இந்த படத்தின் ஒளிப்பதிவாளர் குறித்த தகவல் தற்போது வெளிவந்துள்ளது. இந்த படத்திற்கு அனேகமாக மனோஜ் பரமஹம்சா என்பவர் ஒளிப்பதிவு செய்ய வாய்ப்பு இருப்பதாக தெரிகிறது. ஏற்கனவே இவர் விஜய் நடிப்பில் ஷங்கர் இயக்கிய ’நண்பன்’ படத்திற்கு ஒளிப்பதிவு செய்துள்ளார் என்பதும் தற்போது உருவாகிவரும் பிரபாஸின் ’ராதே ஷ்யாம்’ படத்திற்கு ஒளிப்பதிவு செய்து வருகிறார் என்பது குறிப்பிடத்தக்கது. இதுகுறித்த அதிகாரப்பூர்வ தகவல் விரைவில் வெளிவரும் என்று எதிர்பார்க்கப்படுகிறது.