మంత్రి జూపల్లి ని కలిసిన నమ్రత...
- IndiaGlitz, [Monday,May 23 2016]
సూపర్ స్టార్ మ‌హేష్ బాబు భార్య నమ్రత శిరోద్క‌ర్ ఈరోజు పంచాయితీ రాజ్ శాఖ మంత్రి జూపల్లి కృష్ణారావును క‌లిసారు. మహేశ్ బాబు తెలంగాణ‌లో సిద్దాపూర్ గ్రామాన్ని దత్తత తీసుకున్న విషయం తెలిసిందే. మహబూబ్ నగర్ జిల్లా కొత్తూరు మండలం సిద్దాపూర్ గ్రామ అభివృద్ధి చేయ‌డం కోసం చేయాల‌నుకుంటున్న కార్య‌క్ర‌మాల పై చ‌ర్చించేందుకు నమ్రత మంత్రితో భేటీ అయ్యారు.
ఈ సమావేశంలో మహబూబ్‌నగర్ జిల్లా కలెక్టర్ టీకే శ్రీదేవి కూడా పాల్గొన్నారు. మంత్రి జూప‌ల్లితో భేటి అనంత‌రం నమ్రత మాట్లాడుతూ...సిద్దాపూర్ గ్రామ అభివృద్దికి ప్ర‌ణాళిక‌ల‌ను సిద్దం చేస్తున్నాం. సిద్దాపూర్ ను స్మార్ట్ విలేజ్ గా మార్చుతాం అని తెలియ‌చేసారు. ఆంధ్ర‌ప్ర‌దేశ్ లో బుర్రిపాలెం గ్రామాన్ని, తెలంగాణ‌లో సిద్దాపూర్ గ్రామాన్ని మ‌హేష్ బాబు దత్తత తీసుకుని అభివృద్ది చేస్తుండ‌డం నిజంగా అభినంద‌నీయం.