వ‌ర్మ‌పై న‌మ్ర‌తా కామెంట్
- IndiaGlitz, [Saturday,July 21 2018]
రామ్‌గోపాల్ వ‌ర్మ‌పై న‌మ్ర‌తా కామెంట్ చేసింది. ఇక్క‌డ న‌మ్ర‌త అంటే మ‌హేశ్ శ్రీమ‌తి కాదు...సంజ‌య్ దత్ సోద‌రి న‌మ్ర‌తా దత్. ఇంత‌కు ఆమె ఎందుకు కామెంట్ చేసిందంటే.. వ‌ర్మ ఆమెను ఏదో అన్నాడ‌నుకురో.. నిజానికి వ‌ర్మ న‌మ్ర‌త‌ను ఏమీ అన‌లేదు. న‌మ్ర‌తా సోద‌రుడు సంజ‌య్ దత్ బ‌యోపిక్‌ను మ‌ళ్లీ తెర‌కెక్కిస్తాన‌ని ఆయ‌న చెప్ప‌డ‌మేప్ర‌ధాన కాణం. రీసెంట్‌గా సంజ‌య్ దత్ బ‌యోపిక్‌ని రాజ్‌కుమార్ హీరాణీ తెర‌కెక్కించారు. ర‌ణ‌భీర్ క‌పూర్.. సంజ‌య్ పాత్ర‌లో న‌టించారు.
అయితే ఈ సినిమా వ‌ర్మ అసంతృప్తిని వ్య‌క్తం చేశారు. సంజ‌య్ జీవితంలో అస‌లు విష‌యాల‌ను తెలియ‌జేస్తూ మ‌రో సినిమాను తెర‌కెక్కిస్తాన‌ని తెలిపారు. దీనిపై న‌మ్ర‌తా స్పందిస్తూ... 'అక్ర‌మ ఆయుధాల కేసు సంజ‌య్ దత్ జీవితంలో ఓ బాధాక‌ర ఘ‌ట‌న. ఆయ‌న దాన్ని దాటుకునే ముందుకు వ‌చ్చారు. దాన్ని వ‌ర్మ ఎందుకు త‌వ్వాల‌నుకుంటున్నారు. ఆయ‌న సినిమాల్లో చీక‌టి కోణాలుంటాయి. మ‌మ్మ‌ల్ని మ‌ళ్లీ ఎందుకు బాధ‌లోకి నెట్టాల‌ని చూస్తున్నారు. సంజ‌య్ వ‌ర్మ‌కు అనుమ‌తి ఇచ్చారా? సంజ‌య్ ఒప్పుకుని ఉంటే వ‌ర్మ‌కు మేం అడ్డుప‌డం' అన్నారు.