சிவகார்த்திகேயன் நடிப்பில் இயக்குனர் பாண்டிராஜ் இயக்கத்தில் சன் பிக்சர்ஸ் தயாரிப்பில் உருவாகி வரும் 'நம்ம வீட்டு பிள்ளை' திரைப்படத்தின் இரண்டாவது சிங்கிள் பாடலான 'மைலாஞ்சி' என்ற பாடல் நாளை மாலை 6 மணிக்கு வெளியாகும் என்று படக்குழுவினர் அறிவித்த செய்தி குறித்து ஏற்கனவே பார்த்தோம்.

இந்த நிலையில் டி.இமான் இசையமைத்த இந்த பாடலை யுகபாரதி எழுதியுள்ளதாகவும், பிரதீப் குமார் மற்றும் ஸ்ரேயா கோஷல் ஆகியோர் பாடியுள்ளதாகவும் தற்போது அறிவிக்கப்படுள்ளது. கடந்த வாரம் வெளியான இந்த படத்தின் முதல் சிங்கிள் பாடலான 'எங்க அண்ணன் பாடலை விக்னேஷ் சிவன் எழுதியிருந்தார் என்பதும் அந்த பாடலை நாகேஷ் அஜீஸ் மற்றும் சுனிதி செளஹான் பாடியிருந்தனர் என்பதும் தெரிந்ததே.

சிவகார்த்திகேயன், அனு இமானுவேல், ஐஸ்வர்யா ராஜேஷ், பாரதிராஜா, சமுத்திரக்கனி, நட்டி நட்ராஜ், அர்ச்சனா, யோகி பாபு, சூரி, ஆர்கே சுரேஷ், ஆடுகளம் நரேன், ரமா உள்பட பலர் நடித்துள்ள இந்த படத்திற்கு நீரவ் ஷா ஒளிப்பதிவும், ரூபன் படத்தொகுப்பு பணியும் செய்து வருகின்றனர். இந்த படம் வரும் செப்டம்பர் மாதம் வெளியாகவுள்ளது.