அஜித், விஜய் உள்பட முன்னணி நடிகர்களுடன் நாயகியாக நடித்த நடிகை நமிதா, பிக்பாஸ் சீசன் 1 நிகழ்ச்சியில் கலந்து கொண்டு ரசிகர்களின் கவனத்தை பெற்றார். பிக்பாஸ் நிகழ்ச்சியில் இருந்து வெளியேறியதும் தனது நீண்ட நாள் காதலர் வீரா என்பவரை திருமணம் செய்த நமீதா, அதன்பின்னர் ஒருசில படங்களிலும் நடிக்க கமிட் ஆனார்.

இந்த நிலையில் மீண்டும் கோலிவுட் திரையுலகில் விட்ட இடத்தை பிடிக்க தனது உடம்பை குறைக்க முடிவு செய்த நமீதா, ஜிம்முக்கு கடுமையான உடற்பயிற்சிகளை மேற்கொண்டார். கடந்த சில மாதங்களாக ஜிம்முக்கு சென்றதன் விளைவாக தற்போது நமீதாவின் உடலில் ஆச்சரியத்தக்க மாற்றம் ஏற்பட்டுள்ளது.

நமீதாவின் லேட்டஸ்ட் ஸ்லிம் ஸ்டில்கள் அவரது இன்ஸ்டாகிராம் பக்கத்தில் பதிவு செய்யப்படுள்ளது. இந்த ஸ்டில்களுக்கு ஆயிரக்கணக்கில் லைக்ஸ்கள் குவிந்து வைரலாகி வருகிறது என்பது குறிப்பிடத்தக்கது.