బీజేపీలో చేరిన న‌మిత
- IndiaGlitz, [Saturday,November 30 2019]
ద‌క్షిణాదిన తెలుగు, త‌మిళ చిత్రాల్లో న‌టించి త‌న‌కంటూ ఓ ఇమేజ్‌ను సంపాదించుకున్న న‌టి న‌మిత. ఈ అమ్మ‌డు ఇటీవ‌లే స‌హ న‌టుడు వీరేంద్ర చౌద‌రిని పెళ్లి చేసుకుంది. ఈమె భ‌ర్త‌తో క‌లిసి భార‌తీయ జ‌న‌తా పార్టీలో జాయిన‌య్యింది. బీజేపీ జాతీయ కార్య‌నిర్వాహ‌క అధ్య‌క్షుడు జేపీ న‌డ్డా స‌మ‌క్షంలో ఆమె బీజేపీలో చేరింది. ఇది వ‌ర‌కు అన్నాడీఏంకేలో ఆమె స‌భ్యురాలిగా ఉన్నారు. తెలుగులో సొంతం చిత్రంతో హీరోయిన్‌గా కెరీర్‌నుస్టార్ట్ చేసిన న‌మిత త‌ర్వాత తెలుగులో జెమిని, సింహా, బిల్లా వంటి చిత్రాల‌తో మెప్పించింది.
అలాగే త‌మిళంలోనూ న‌టిగా రాణించింది. ప‌లువురు హీరోల స‌ర‌స‌న న‌టించింది. ఒక‌నొక ద‌శ‌లో తెలుగు కంటే త‌మిళంలోనే ఈమె ఎక్కువ సినిమాల్లో న‌టించింది. ఎక్కువ క్రేజ్ ద‌క్కించుకుంది. అయితే త‌మిళ చిత్రాల కోసం బొద్దుగా మారిన న‌మిత.. ఈమ‌ధ్య బ‌రువు త‌గ్గి స‌న్న‌బ‌డింది. ఈ ఏడాది ప్రారంభంలోనే బొట్టు అనే సినిమాలో న‌టిచింది. ఈరోజునే సీనియ‌ర్ త‌మిళ న‌టుడు రాధా ర‌వి కూడా బీజేపీ చేర‌డం విశేషం.