న‌మిత కారులో త‌నిఖీలు
- IndiaGlitz, [Saturday,March 30 2019]
హాట్ హీరోయిన్ న‌మిత గురించి స్పెష‌ల్ ప‌రిచ‌యాలు అక్క‌ర్లేదు. సొంతం, జెమిని, ఒక‌రాజు ఒక రాణి, ఒక రాధ, ఇద్ద‌రు కృష్ణుల పెళ్లి నుంచి 'సింహా'లో సింహ‌మంటి చిన్నోడే వేట‌కొచ్చాడే... వ‌ర‌కు న‌మిత గ్రేస్ గురించి ప్ర‌త్యేకంగా చెప్పాల్సిన అవ‌స‌రం లేదు. ఆమె రెండేళ్ల క్రితం వీరేంద్ర‌చౌద‌రిని వివాహం చేసుకుని జీవితంలో సెటిల్ అయ్యారు. అయినా ప్ర‌స్తుతం ఆమె చేతిలో సినిమాలున్నాయి. గ‌త ఎన్నికల్లో ఆమె త‌మిళ‌నాడులో ఎన్నిక‌ల స్పీచ్‌లు ఇచ్చిన సంగ‌తి కూడా తెలిసిందే.
ఆ వేదిక‌ల మీద ఆమె అభిమానుల‌ను 'మ‌చ్చాస్‌' (బావలూ) అన‌డం కూడా అప్ప‌ట్లో క్రేజీగా మారింది. ప్ర‌స్తుతం త‌మిళ‌నాడులోనూ ఎన్నిక‌ల హ‌డావిడి ఉంది. ఎన్నిక‌ల సంద‌ర్భంగా డ‌బ్బు విప‌రీతంగా చేతులు మారుతుంద‌నేది ఓపెన్ సీక్రెట్‌. ఈ నేప‌థ్యంలో ఎన్నిక‌ల ఫ్ల‌యింగ్ స్క్వాడ్ వాహ‌నాల త‌నిఖీలు చేస్తుంటారు. అలా ఈ మ‌ధ్య బారీ మొత్తంలో న‌గ‌లు, డ‌బ్బు దొరికిన సంగ‌తి తెలిసిందే. ఆ ప‌నుల్లో భాగంగా ఇటీవ‌ల న‌మిత కారును కూడా ఎన్నిక‌ల అధికారులు చెక్ చేశారు. ఏర్కాడు వెళ్తున్న ఆమె ముందు తన కారును త‌నిఖీ చేస్తాన‌న‌డంతో కోప‌గించుకున్నారు. కానీ అధికారులు వివ‌రించిన విష‌యాల‌ను విన్నాక, ఆమె భ‌ర్త వీరేంద్ర కారు త‌నిఖీకి అనుమ‌తించారు. అందులో స్క్వాడ్‌కు న‌గ‌దుగానీ, బంగారం కానీ దొర‌క‌లేద‌ని స‌మాచారం.