'தமிழ்ப்படம் 2.0' படத்தின் டைட்டில் திடீர் மாற்றம்
- IndiaGlitz, [Thursday,June 21 2018]
சி.எஸ்.அமுதன் இயக்கத்தில் சிவா நடித்து வரும் 'தமிழ்ப்படம் 2.0' படத்தின் படப்பிடிப்பு முடிவடைந்து தற்போது போஸ்ட் புரடொக்சன்ஸ் பணிகள் நடைபெற்று வருகிறது. இந்த படத்தின் டீசர் சமீபத்தில் வெளிவந்து மிகப்பெரிய வரவேற்பை பெற்ற நிலையில் இந்த படத்தின் ரிலீஸ் தேதி விரைவில் அறிவிக்கப்படவுள்ளது,
இந்த நிலையில் இந்த படத்தின் டைட்டில் திடீரென மாற்றப்பட்டுள்ளதாக இயக்குனர் அறிவித்துள்ளார். '2.0' என்பதில் உள்ள ஜீரோவுக்கு மதிப்பில்லை என்பதால் இந்த படத்தின் டைட்டில் இனி 'தமிழ்ப்படம் 2' என்று அழைக்கப்படும் என்று அவர் தெரிவித்துள்ளார்.
இந்த படம் குறித்து இயக்குனர் வெளியிட்டுக் கொண்டிருக்கும் ஒவ்வொரு தகவலும் ஒவ்வொரு டுவீட்டுக்களும் வித்தியாசமாக இருக்கும் நிலையில் பட டைட்டிலுக்கு அவர் கொடுத்திருக்கும் விளக்கமும் அவரது பாணியிலேயே உள்ளது.
சிவா, திஷா பாண்டே, ஐஸ்வர்யா மேனன், கஸ்தூரி, சதீஷ், சந்தானபாரதி, மனோபாலா, ஆர்.சுந்தர்ராஜன், நிழல்கள் ரவி உள்பட பலர் நடித்துள்ள இந்த படத்திற்கு கண்ணன் இசையமைத்துள்ளார். கோபி அமர்நாத் ஒளிப்பதிவில் சுரேஷ் படத்தொகுப்பில் உருவாகியுள்ள இந்த பட்த்தை ஒய் நாட் ஸ்டுடியோஸ் நிறுவனம் தயாரித்துள்ளது.