கமல்ஹாசனை சந்திக்கின்றார் தமிழகத்தின் மூத்த அரசியல் தலைவர்
- IndiaGlitz, [Saturday,February 17 2018]
உலக நாயகன் கமல்ஹாசன் தனது அரசியல் கட்சியின் பெயரை இன்னும் நான்கு நாட்களில் அறிவிக்கவுள்ள நிலையில் அவரை பல்வேறு அரசியல் கட்சி தலைவர்கள் சந்தித்து வருகின்றனர். அதேபோல் கமல்ஹாசனும் டி.என்.சேஷன் உள்பட பல முக்கிய பிரமுகர்களை சந்தித்து ஆலோசனை பெற்று வருகிறார்.
இந்த நிலையில் இன்று பிற்பகல் 3 மணிக்கு தமிழகத்தின் மூத்த அரசியல் தலைவரும், இந்திய கம்யூனிஸ்ட் கட்சியின் முக்கிய தலைவருமான நல்லக்கண்ணு அவர்கள் கமல்ஹாசனின் இல்லத்தில் அவரை சந்திக்க திட்டமிட்டுள்ளார். இந்த சந்திப்பு அரசியல் முக்கியத்துவம் பெற்றதாக கருதப்படுகிறது.
ஏற்கனவே கமல்ஹாசனை இந்து மக்கள் கட்சியின் தலைவர் அர்ஜூன் சம்பத் உள்பட பலர் கடந்த சில நாட்களில் சந்தித்து பேசி வந்துள்ளனர் என்பது குறிப்பிடத்தக்கது.