பிரபல தயாரிப்பு நிறுவனத்துடன் 3வது முறையாக இணையும் நலன் குமாரசாமி
- IndiaGlitz, [Wednesday,July 25 2018]
இயக்குனர், திரைக்கதை ஆசிரியர், நடிகர் ஆகிய பரிணாமங்களில் கோலிவுட் திரையுலகில் வளர்ந்து வருபவர் நலன்குமாரசாமி. இவர் இயக்கிய 'சூது கவ்வும்' மற்றும் 'காதலும் கடந்து போகும்' ஆகிய இரண்டு படங்களையும் தயாரித்தவர் ஸ்டுடியோக்ரீன் நிறுவனத்தின் ஞானவேல்ராஜா என்பது அறிந்ததே. இந்த நிலையில் இதே தயாரிப்பு நிறுவனத்திற்காக மேலும் ஒரு படத்தை நலன்குமாரசாமி இயக்கவுள்ளார்.
ஸ்டுடியோக்ரீன் நிறுவனத்தின் தயாரிப்பில் நலன்குமாரசாமி இயக்கவுள்ள படத்தில் நடிக்கும் நடிகர், நடிகையர் மற்றும் தொழில்நுட்ப கலைஞர்கள் குறித்த விபரங்கள் விரைவில் வெளிவரும் என்று எதிர்பார்க்கப்படுகிறது.
ஏற்கனவே ஸ்டுடியோக்ரீன் நிறுவனம் தயாரித்த 'ஹரஹர மகாதேவகி', 'இருட்டு அறையில் முரட்டு குத்து' மற்றும் 'கஜினிகாந்த்' ஆகிய மூன்று படங்களை இயக்குனர் சந்தோஷ் இயக்கியுள்ள நிலையில் தற்போது நலன்குமாரசாமியும் இந்நிறுவனத்திற்காக மூன்றாவது படத்தை இயக்கவுள்ளார் என்பது குறிப்பிடத்தக்கது.