నాకో ఇంకో పేరుంది అంటున్న సమంతా...
- IndiaGlitz, [Friday,March 18 2016]
స‌మంత ఇంకో పేరు ఏమిట‌ని తెగ ఆలోచిస్తున్నారా..? సంగీత ద‌ర్శ‌కుడిగా అన‌తి కాలంలోనే త‌న‌కంటూ ఓ ఇమేజ్ ఏర్ప‌రుచుకున్న యువ సంగీత ద‌ర్శ‌కుడు జి.వి.ప్రకాష్ క‌థానాయ‌కుడిగా న‌టిస్తూ..సంగీతం అందిస్తున్న తాజా చిత్రం నాకో ఇంకో పేరుంది. శ్యామ్ ఆంటోని దర్శకత్వంలో రూపొందుతున్న ఈ చిత్రాన్ని లైకా ప్రొడ‌క్ష‌న్ నిర్మిస్తుంది.
ఈ చిత్రంలో జి.వి. ప్రకాష్ స‌ర‌స‌న త్రిష లేదా న‌య‌న‌తార సినిమాలో న‌టించిన ఆనంది హీరోయిన్ గా న‌టిస్తుంది. అయితే ఈ సినిమా మోషన్ పోస్టర్ ను స‌మంత ట్విట్ట‌ర్ ద్వారా ఈరోజు సాయంత్రం రిలీజ్ చేస్తున్నారు. ఈ సందర్భంగా జి‌వి ప్రకాష్ మాట్లాడుతూ.. యాక్షన్ అండ్ కామెడీ ఎంటర్టైనర్ ఫిల్మ్ ఇది. మేము ఊహించిన దానికంటే సినిమా చాలా బాగా వస్తుంది. ఈ చిత్రంలో నా పేరు జాని. 1980లో జాని టైటిల్ తో రజనీకాంత్ గారి సినిమా విడుదల అయ్యింది. రజనీకాంత్ గారి టైటిల్ నా క్యారెక్ట‌ర్ పేరు కావ‌డం హ్యాపీగా ఉంది. త్వ‌ర‌లో పాటలను విడుదల చేయడానికి సన్నాహాలు చేస్తున్నాం. సమంతా మా మూవీ మోషన్ పోస్టర్ రిలీజ్ చేయ‌డం సంతోషంగా ఉంది అన్నారు.