హైదరాబాద్ లో సందడి చేసిన బాలీవుడ్ సింగర్ నకాష్ అజీజ్
- IndiaGlitz, [Saturday,June 11 2016]
హీరో నాగ అన్వేష్, హాట్ బ్యూటీ హెబ్బా ప‌టేల్ జంట‌గా న‌టిస్తున్న చిత్రం ఏంజిల్. ఈ చిత్రాన్ని బాహుబ‌లి ప‌ళ‌ని ద‌ర్శ‌క‌త్వంలో సింధూర పువ్వు కృష్ణారెడ్డి నిర్మిస్తున్నారు. శ్రీ స‌ర‌స్వ‌తి ఫిల్మ్స్ బ్యాన‌ర్ పై రూపొందుతున్న ఈ చిత్రం పాటల రికార్డింగ్ ముంబాయ్ లో ప్రారంభ‌మైంది. సోషియో ఫాంట‌సీగా రూపొందుతున్న ఈ యాక్ష‌న్ ఎంట‌ర్ టైన‌ర్ కి భీమ్స్ సెసిరోలియో సంగీతం అందిస్తున్నారు.
ప్రముఖ గాయకులు విజయ ప్రకాష్, శ్రేయా గోషాల్ పాడిన రెండు పాటల్నిముంబాయిలో రికార్డ్ చేసి మరో పాటను హైదారాబాద్ లో రికార్డ్ చేశారు. ఈ పాటను పాడేందుకు నకాష్ అజీజ్{అల్లు అర్జున్ సరైనోడు బ్లాక్ బస్టర్ సాంగ్ ఫేమ్} ముంబాయ్ నుంచి హైదరాబాద్ కు వచ్చారు. ఈ సందర్భంగా నకాష్ మీడియాతో ముచ్చటించారు, భీమ్స్ సెసిరోలియో మ్యూజిక్ డైరెక్షన్ తో తాను మూడో సారి పాట పడుతున్నట్లు చెప్పారు. గబ్బర్ సింగ్ లో తోబా తోబా, సరైనోడు లో బ్లాక్ బస్టర్ పాటల మాదిరిగా ఈ సాంగ్ కూడా మాస్ ఆడియోన్స్ కు ఆకట్టుకుంటుందని తెలిపారు.