ரஜினிகாந்த் இடத்தை ராகுல்காந்திக்கு கொடுத்த நக்மா
- IndiaGlitz, [Monday,April 16 2018]
நடிகை நக்மா தற்போது அகில இந்திய மகிளா காங்கிரஸ் தலைவராக உள்ளார் என்பது அனைவரும் அறிந்ததே. இந்த நிலையில் புதுச்சேரியில் அவர் தற்போது 6 நாள் சுற்றுப்பயணம் செய்து அம்மாநில மக்களை சந்தித்து பல்வேறு நலத்திட்ட உதவி விழாக்களில் கலந்து கொண்டு வருகிறார்
இந்த நிலையில் சோரப்பட்டு என்ற கிராமத்தில் பெண்கள் மத்தியில் நக்மா பேசினார். அப்போது அப்பகுதி பெண்கள் நக்மாவை ஒரு பாட்டு பாடுமாறு கேட்டு கொண்டனர்.
உடனே பாட்ஷா படத்தின் பாடலான
அழகு... அழகு..
நீ நடந்தால் நடையழகு...
நீ சிரித்தால் சிரிப்பழகு...
நீ பேசும் தமிழ் அழகு...
நீ ஒருவன் தானழகு... என்ற பாடலை பாடினார்.
இந்த பாடலை பாடியவுடன் அங்கிருந்த பொதுமக்கள் சூப்பர் ஸ்டார் ரஜினி என்று கோஷமிட்டனர். உடனே சுதாரித்த நக்மா, நான் இந்த பாடலை ராகுல்காந்திக்காக பாடினேன், ரஜினிக்காக அல்ல என்று கூறினார். மேலும் இன்றைய நம் பாட்ஷா ராகுல்காந்திதான் என்று கூறினார்.
நக்மாவின் இந்த பேச்சுக்கு ரஜினி ரசிகர்கள் கண்டனம் தெரிவித்து வருகின்றனர். என்றுமே பாட்ஷா என்றாலே ரஜினிதான் என்று அவர்கள் சமூக வலைத்தளங்களில் பதிவு செய்து வருகின்றனர்.