స్టార్ హీరోస్ చిరంజీవి, బాల‌కృష్ణ‌, నాగార్జున‌, వెంక‌టేష్‌ల‌తో క‌లిసి న‌టించిన హీరోయిన్స్‌లో న‌గ్మా ఒక‌రు. హీరోయిన్‌గా బాగా రాణించి త‌ర్వాత అల్ల‌రి రాముడు సినిమాలో యంగ్ టైగ‌ర్ ఎన్టీఆర్ అత్త పాత్ర‌లో న‌టించింది. అటు త‌ర్వాత కాంగ్రెస్‌లో చేరి రాజ‌కీయాల్లో కీల‌కంగా ఎదిగింది. బ‌న్ని, త్రివిక్ర‌మ్ సినిమాలో న‌గ్మా న‌టిస్తుంద‌ని, బ‌న్ని త‌ల్లి పాత్ర‌లో మెప్పించ‌నుంద‌ని వార్త‌లు వినిపించాయి.

అయితే ఇదే విష‌యాన్ని నగ్మ ద‌గ్గ‌ర ప్ర‌స్తావిస్తే.. `అలా వినిపిస్తున్న వార్త‌ల్లో నిజం లేదు. అస‌లు ఎవ‌రు, ఎందుకు ఆ వార్తల‌ను క్రియేట్ చేస్తున్నారో నాకు అర్థం కావ‌డం లేదు. బ‌న్ని, త్రివిక్ర‌మ్ సినిమాకు సంబంధించిన యూనిట్ వాళ్లెవ‌రూ న‌న్ను సంప్ర‌దించ‌లేదు. అయితే ఓ థ్రిల్ల‌ర్ క‌థాంశం వ‌చ్చింది. కొన్ని మార్పులు చెప్పాను. వారు చేసిన మార్పులు న‌చ్చితే తెలుగులో న‌టిస్తాను` అన్నారు నగ్మ‌. మొత్తానికి తాను బ‌న్ని సినిమాలో న‌టించ‌డం లేద‌ని తేల్చేసింది.