மக்கள் மனதை ரஜினி புரிந்து கொள்ள வேண்டும்: ரஜினிக்கு அட்வைஸ் செய்த நக்மா!
- IndiaGlitz, [Friday,March 13 2020]
சூப்பர்ஸ்டார் ரஜினிகாந்த் அவர்களுக்கு அரசியல் அட்வைஸ் செய்யாதவர்கள் இந்தியாவில் யாருமே இல்லை என்ற வகையில் ஒரு மீம்ஸ் கடந்த சில மாதங்களுக்கு முன்னர் வைரலாகி வந்தது தெரிந்ததே. அந்த வகையில் அவருக்கு தொடர்ச்சியாக அரசியல் குறித்து பலர் அட்வைஸ் செய்து வருகின்றனர். இந்நிலையில் தற்போது நடிகையும், பாட்ஷா படத்தில் ரஜினியுடன் நடித்தவரும், காங்கிரஸ் கட்சியின் பிரமுகருமான நடிகை நக்மா ரஜினிக்கு அட்வைஸ் செய்துள்ளார்
திரைத்துறையில் இருந்து அரசியலுக்கு வருபவர்கள் வெற்றி வாய்ப்பை பெறுவது ஒரு சிலருக்கு மட்டுமே நடக்கும். எம்ஜிஆர், ஜெயலலிதா, என்டிஆர் போன்றவர்கள் மட்டுமே திரைத்துறையில் இருந்து வந்து ஆட்சியை பிடித்தார்கள். நான் கடந்த 17 வருடங்களாக காங்கிரஸ் கட்சியில் மகிளா காங்கிரஸ் தலைவராக இருந்து வருகிறேன்.
ரஜினிகாந்த் அவர்கள் மாற்று அரசியலை முன்வைப்பது புதிய முயற்சிதான். ஆனால் மாற்று அரசியலை முன்வைக்கும் அவர், மக்கள் மனதை புரிந்து கொள்ள வேண்டும். மக்களுக்கு எது தேவை என்பது குறித்து அவர் தெரிந்து கொள்ள வேண்டும். சிஏஏ போன்ற சட்டத்தினால் யாருக்கு பாதிப்பு இருக்கிறது என்பதை புரிந்து கொண்டு அவர் கருத்து தெரிவிக்க வேண்டும்
ரஜினிகாந்தின் புதிய முயற்சிக்கு எனது வாழ்த்துக்கள். இருப்பினும் அவர் அரசியலுக்கு வந்து என்ன செய்யப் போகிறார்? கட்சியை எப்படி நடத்த போகிறார்? மக்களுக்கு என்ன செய்யப் போகிறார்? என்பதை தெளிவாக தெரிந்துகொண்டு அரசியலுக்கு வர வேண்டும் அவருடைய புதிய மாற்று அரசியல் முயற்சிக்கு மீண்டும் எனது வாழ்த்துக்கள் என்று நடிகை நக்மா தெரிவித்துள்ளார்