சன் டிவியில் ஒளிபரப்பான ’நாகினி’ என்ற சீரியலில் நடித்த நடிகை மௌனி ராய் தனது காதலரை திருமணம் செய்துகொண்ட நிலையில் இது குறித்த புகைப்படங்கள் இணையதளங்களில் வைரலாகி வருகின்றன.

தொலைக்காட்சி சீரியல் நடிகை மற்றும் பாலிவுட் நடிகையான மௌனி ராய் கடந்த சில ஆண்டுகளாக சுராஜ் நம்பியார் என்பவரை காதலித்து வந்தார். இந்த நிலையில் மெளனிராய் - சுராஜ் நம்பியார் திருமணம் கோவாவில் கோவாவில் நடந்த நிலையில் பல திரையுலக பிரபலங்கள் இந்த திருமணத்தில் கலந்து கொண்டு மணமக்களுக்கு வாழ்த்து தெரிவித்தனர்.

இந்த திருமணத்தில் மௌனி ராய் நெருங்கிய தோழியான நடிகை மந்திரா பேடியும் கலந்து கொண்டார் என்பதும், அவர் இந்த திருமண நிகழ்ச்சியில் கலந்து கொண்டதன் புகைப்படங்களை தனது இன்ஸ்டாவில் பகிர்ந்துள்ள நிலையில் அந்த புகைப்படங்கள் வைரலாகி வருகின்றன என்பது குறிப்பிடத்தக்கது.

நடிகை மெளனி ராயும் தனது சமூக வலைத்தளத்தில் தனது கணவருடன் இருக்கும் புகைப்படத்தை பகிர்ந்து ’Everything' என்ற கேப்ஷனை பதிவு செய்துள்ளார். கேரளா மற்றும் பெங்காலி முறைப்படி இவர்களது திருமணம் நடந்துள்ளதை அடுத்து இந்த நட்சத்திர தம்பதிகளுக்கு ரசிகர்கள் தங்களது வாழ்த்துக்களை தெரிவித்து வருகின்றனர்.