காசி விவகாரம்: நாகர்கோவில் நீதிமன்றம் அதிரடி உத்தரவு
- IndiaGlitz, [Monday,June 15 2020]
நாகர்கோவிலைச் சேர்ந்த காசியும் அவரது நண்பர்களும் பள்ளி மாணவிகள் முதல் குடும்பப் பெண்கள் வரை நூற்றுக்கணக்கான பெண்களின் வாழ்வை சீரழித்த சம்பவம் தமிழகத்தையே பெரும் பரபரப்பை ஏற்படுத்தியது என்பது தெரிந்ததே. இது குறித்து பெண் டாக்டர் ஒருவர் கொடுத்த புகாரின் அடிப்படையில் நாகர்கோவில் காசியும், அவரது நண்பர் ஜினோ என்பவரும் கைது செய்யப்பட்டார்கள். காசியின் இன்னொரு நெருக்கமான நண்பர் வெளிநாட்டுக்கு தப்பிச் சென்றுவிட்டதாக கூறப்படுகிறது.
இந்த நிலையில் காசியை ஏற்கனவே காவல்துறையினர் காவலில் எடுத்து விசாரணை செய்த போது பல திடுக்கிடும் தகவல்கள் வெளிவந்ததாகவும் காசியின் லேப்டாப்பில் இருந்து பல குடும்பப் பெண்கள் ஏமாற்றப்பட்டது தெரிய வந்ததாகவும், மகளை ஆபாசபடம் எடுத்து தாயை பாலியல் பலாத்காரம் செய்ததாகவும் செய்திகள் வெளியானது.
இதனை அடுத்து மீண்டும் காசியை காவலில் எடுத்து விசாரிக்க வேண்டும் என சிபிசிஐடி போலீசார் நாகர்கோவில் நீதிமன்றத்திடம் அனுமதி கேட்டிருந்தனர். இந்த நிலையில் தற்போது நாகர்கோவில் நீதிமன்றம் சிபிசிஐடிக்கு அனுமதி கொடுத்துள்ளது. நாகர்கோவில் காசி மற்றும் அவரது நண்பர் ஜினோவை 5 நாட்கள் காவலில் எடுத்து விசாரிக்க நாகர்கோவில் நீதிமன்றம் அனுமதி கொடுத்துள்ளது. இதனை அடுத்து நாளை முதல் அவர்களிடம் விசாரணை நடத்தப்படும் என தெரிகிறது.