బాహుబ‌లి, కె.జి.య‌ఫ్ పార్ట్ 1 త‌ర్వాత ద‌క్షిణాది నుండి పాన్ ఇండియా సినిమాలు ఎక్కువగా విడుద‌ల‌వుతున్నాయి. ఆ కోవ‌లో ద‌క్షిణాది నుండి విడుద‌ల‌వుతున్న మ‌రో భారీ పాన్ ఇండియా చిత్రం ‘మ‌ర‌క్కార్‌’. మలయాళ సూపర్‌స్టార్ మోహ‌న్‌లాల్ టైటిల్ పాత్ర‌లో న‌టించిన ఈ చిత్రం ఈ నెల 26న తెలుగు, త‌మిళ‌, మ‌ల‌యాళ‌, క‌న్న‌డ‌, హిందీ భాష‌ల‌తో పాటు అర‌బిక్‌, చైనీస్‌ల‌లో కూడా విడుద‌ల‌వుతుంది. బారీ బ‌డ్జెట్ చిత్రాన్ని ప్రియ‌ద‌ర్శ‌న్ తెర‌కెక్కించారు. భారీ తారాగ‌ణంగా సునీల్ శెట్టి, కీర్తిసురేశ్‌, క‌ల్యాణి ప్రియ‌దర్శిని, అర్జున్‌, ప్ర‌భు త‌దిత‌రులు ఈ చిత్రంలో న‌టించారు.

కాగా..ఈ సినిమా ద‌ర్శ‌కుడు ప్రియ‌ద‌ర్శ‌న్‌కు మ‌న కింగ్ నాగార్జున‌కు మంచి స్నేహితుడు. ఈయ‌న ద‌ర్శ‌క‌త్వంలోనే నాగార్జున ‘నిర్ణ‌యం’ సినిమా చేశాడు. అంతే కాకుండా ఆయ‌న కుమార్తె క‌ల్యాణి ప్రియ‌ద‌ర్శినిని త‌న కుమారుడు అఖిల్‌తో హ‌లో చిత్రంతో హీరోయిన్‌గా ప‌రిచ‌యం చేశాడు. ఈ ప‌రిచ‌యంతో ప్రియ‌ద‌ర్శ‌న్‌, నాగార్జున‌ను న‌టించాల‌ని అడ‌గ‌టంతో నాగ్ కూడా ఒప్పుకున్నాడు. అయితే రీసెంట్‌గా విడుద‌లైన ట్రైల‌ర్‌లో నాగ్ ఎక్క‌డా క‌న‌ప‌డ‌నేలేదు. నాగార్జున స్థానంలోనే అర్జున్‌ని తీసుకున్నార‌ని స‌మాచారం. ఈ చిత్రం నుండి నాగ్ త‌ప్పుకున్నార‌ని వార్త‌లు విన‌ప‌డుతున్నాయి. అయితే కార‌ణాలు మాత్రం తెలియ‌డం లేదు.