బిగ్‌బాస్ 4 హోస్ట్‌గా మ‌ళ్లీ కింగ్?
- IndiaGlitz, [Saturday,March 14 2020]
స్టార్ మా ఛానెల్ స్టార్ట్ చేసిన రియాలిటీ షో బిగ్‌బాస్..ఇప్ప‌టికే మూడు సీజ‌న్స్‌ను పూర్తి చేసుకుంది. తొలి సీజ‌న్‌కు యంగ్ టైగ‌ర్ ఎన్టీఆర్ వ్యాఖ్యాత‌గా వ్య‌వ‌హ‌రించిన సంగ‌తి తెలిసిందే. సీజన్ 1కి కావాల్సినంత క్రేజ్ ద‌క్కింది. త‌ర్వాత సీజన్ 2లో ఎన్టీఆర్ స్థానంలో నేచుర‌ల్ స్టార్ నాని వ‌చ్చి చేరాడు. సీజన్ 2లో నాని వివాదాల‌తో స‌త‌మ‌త‌మ‌య్యాడు. దాంతో సీజన్2 ఆశినంత మేర ఆక‌ట్టుకోలేక‌పోయింద‌నే టాక్ కూడా వ‌చ్చింది. ఇక నాని డ్రాప్ అయిపోయాడు. ఇక మూడో సీజ‌న్‌కి హోస్ట్ దొర‌క‌డం చాలా క‌ష్ట‌మ‌య్యాడ‌నే చెప్పాలి. అయితే నిర్వాహ‌కులు అష్ట‌క‌ష్టాలు ప‌డి కింగ్ నాగార్జున‌ని హోస్ట్‌గా తీసుకొచ్చారు. సీజన్ 3కి ఫైన‌ల్‌కి చిరంజీవి ముఖ్య అతిథిగా రావ‌డం..నాగార్జున హోస్టింగ్ చేయడం వంటి కార‌ణాల‌తో బాగానే ఆద‌ర‌ణ ద‌క్కించుకుంది.
దీంతో నిర్వాహ‌కులు ఇప్పుడు సీజన్ 4ను భారీగా ప్లాన్ చేస్తున్నార‌ట. ఈ సీజ‌న్‌లో హోస్ట్‌గా ఎవ‌రినీ తీసుకోవాలా? అని తెగ ఆలోచించార‌ట. అయితే చివ‌ర‌కు నాగార్జున అయితేనే బెస్ట్ అని అనుకుంటున్నార‌ట. ప్ర‌స్తుతం హైద‌రాబాద్‌లో బిగ్‌బాస్ 4 హౌస్‌ను సిద్ధం చేస్తున్నార‌ట నిర్వాహ‌కులు.