‘వైల్డ్ డాగ్’ను షురూ చేసిన నాగార్జున
- IndiaGlitz, [Monday,August 31 2020]
నాగార్జున లేటెస్ట్ మూవీ ‘వైల్డ్ డాగ్’ షూటింగ్ షురూ అయ్యింది. అహిషోర్ సాల్మోన్ దర్శకత్వంలో తెరకెక్కుతోన్న ఈ సినిమా చిత్రీకరణ జరుపుకుంటోన్న సమయంలో కరోనా వైరస్ కారణంగా షూటింగ్‌ను ఆపారు. దాదాపు ఐదారు నెల‌ల త‌ర్వాత వైల్డ్ డాగ్ షూటింగ్‌ను హైద‌రాబాద్‌లో స్టార్ట్ చేశారు. నాగార్జున బ‌ర్త్‌డే సంద‌ర్భంగా విడుద‌ల చేసిన పోస్ట‌ర్‌ నాగార్జున పాత్ర‌ను, అత‌నితో టీమ్‌గా ప‌నిచేసే వారి వివ‌రాల‌ను తెలియ‌జేసేలా ఉంది. ఇందులో ఎన్ఐఏ ప‌నిచేసే ఎన్‌కౌంట‌ర్ స్పెష‌లిస్ట్ విన‌య్ వ‌ర్మ పాత్ర‌లో నాగార్జున న‌టిస్తారు.
మ‌రో వైపు కరోనా టైమ్‌లోనూ నాగార్జున బిగ్‌బాస్ సీజ‌న్ 4 కోసం నాగార్జున స‌న్న‌ద్ధ‌మ‌వుతున్నారు. సెప్టెంబ‌ర్ 4 నుండి బిగ్‌బాస్ ప్ర‌సారం కానుంది. ‘వైల్డ్ డాగ్’ పూర్తి కాగానే రాజ‌శేఖ‌ర్‌తో ‘పి.ఎస్‌.వి.గ‌రుడ‌వేగ’ వంటి సినిమాను డైరెక్ట్ చేసిన ప్ర‌వీణ్ స‌త్తారు దర్శకత్వంలో, మ‌రో సినిమాను ట్రాక్ ఎక్కించ‌డానికి సిద్ధ‌మ‌య్యారు. శ్రీ వెంకటేశ్వర సినిమాస్ ఎల్ ఎల్ పి మరియు నార్త్ స్టార్ ఎంట‌ర్‌టైన్‌మెంట్ ప‌తాకాల‌పై నారాయణదాస్ నారంగ్, పుస్కూర్ రామ్మోహన్ రావు, శరత్ మరార్ నిర్మించనున్నారు.