కింగ్ నాగార్జున నేష‌న‌ల్ అవార్డ్ రావాలి అని కోరుకుంటుంది ఎవ‌రికి అనుకుంటున్నారా...? విల‌క్ష‌ణ న‌టుడు ప్ర‌కాష్ రాజ్ కి. స్వీయ ద‌ర్శ‌క‌త్వంలో ప్ర‌కాష్ రాజ్ తాజాగా మ‌న ఊరి రామాయ‌ణం చిత్రాన్ని తెర‌కెక్కించారు. ఈ ఆడియో వేడుక‌లో పాల్గొన్న నాగార్జున మాట్లాడుతూ... ప్రతి మనిషిలో రాముడు, రావణాసురుడు ఉంటారు. ఎన్టీఆర్‌గారు చేసిన రావణాసురుడు రోల్‌ చూశాను. పుస్తకాల్లో చదివాను. అందుకే రావణాసురుడు అంటే నాకు కూడా ఇష్టమే.

ప్రకాష్‌ రాజ్‌ జీవితంలో ప్రతి క్షణాన్ని ఎంజాయ్‌ చేస్తాడు. తనలా ఉండటానికి నేనెంతో ప్రయత్నించాను. ఏ పని చేసినా ప్రకాష్‌ ఎంజాయ్‌ చేస్తాడు. ప్రకాష్‌ రాజ్‌ దర్శకత్వంలో మనవూరి రామాయణం రూపొందడం ఆనందంగా ఉంది. ప్రస్తుతం ఇండియన్‌ సినిమాలు కొత్త టర్న్‌ తీసుకుంటున్నాయి. మంచి సినిమాలకు మంచి ఆదరణ లభిస్తున్నాయి. ఇలాంటి టర్నింగ్‌ మూమెంట్‌లో మనవూరి రామాయణం విడుదల కావడం ఆనందంగా ఉంది. ఈ సినిమాకు ప్రకాష్‌ రాజ్‌గారికి దర్శకుడిగా కూడా నేషనల్‌ అవార్డ్‌ రావాలని కోరుకుంటున్నాను అన్నారు. మ‌రి...నాగ్ కోరుకున్న‌ట్టుగా ప్ర‌కాష్ రాజ్ కి ద‌ర్శ‌కుడిగా జాతీయ అవార్డ్ వ‌స్తుందేమో చూద్దాం..!