అఖిల్ సినిమా గురించి ఇంట్రస్టింగ్ న్యూస్ చెప్పిన నాగ్..!
- IndiaGlitz, [Monday,September 05 2016]
అక్కినేని అఖిల్ రెండో సినిమా విక్ర‌మ్ కుమార్ దర్శకత్వంలో ఉంటుంద‌ని ఇటీవ‌ల నాగార్జున ఎనౌన్స్ చేసిన విష‌యం తెలిసిందే. ఈరోజు నిర్మలా కాన్వెంట్ మూవీ గురించి ఏర్పాటు చేసిన ప్రెస్ మీట్ లో నాగార్జున ని అఖిల్ సినిమా గురించి అడిగిన ప్ర‌శ్న‌కు స్పందిస్తూ...అఖిల్ తొలి చిత్రంతో పెద్ద దెబ్బ తిన్నాడు. అదొక ఎక్స్ పీరియ‌న్స్. కెరీర్ బిగినింగ్ లోనే ఇలాంటి పెద్ద దెబ్బత‌గ‌ల‌డం వ‌ల‌న కంగారుప‌డి ఏదో సినిమా చేసేయ‌కుండా దాదాపు సంవ‌త్స‌రం పాటు గ్యాప్ తీసుకుని మంచి క‌థ‌తో వ‌స్తున్నాడు. నా ఫేవ‌రేట్ డైరెక్ట‌ర్ విక్ర‌మ్ కుమార్. నాన్నగారి ఆఖ‌రి సినిమా మ‌నం చిత్రాన్ని క్లాసిక్ గా రూపొందించాడు. ఈ సినిమా షూటింగ్ లో ఉన్న‌ప్పుడే అఖిల్ కోసం క‌థ చెప్పాడు. అడ్వాన్స్ ఇచ్చి సినిమా ఫైన‌ల్ చేద్దాం అనుకునే లోపే క‌న‌ప‌డ‌కుండా వెళ్లిపోయాడు.ఇప్పుడు క‌థ అంతా రెడీగా ఉంది. న‌వంబ‌ర్ నుంచి షూటింగ్ ప్రారంభించేందుకు ప్లాన్ చేస్తున్నాం. అన్న‌పూర్ణ టీమ్ అంతా ఎప్పుడెప్పుడు ఈ మూవీ స్టార్ట్ అవుతుందా అని ఎదురు చూస్తున్నారు అని తెలియ‌చేసారు..!