విక్ట‌రీ వెంక‌టేష్ గోపాల గోపాల‌, ద్రుశ్యం చిత్రాల త‌ర్వాత రెండు..మూడు సినిమాలు చేస్తున్న‌ట్టు వార్త‌లు వ‌చ్చాయి. కానీ సెట్స్ పై వెళ్ల‌లేదు. ఇప్ప‌టి వ‌ర‌కు వెంకీ చేస్తున్న సినిమా ఏమిట‌నేది ఫైన‌ల్ కాలేదు.ఇక అస‌లు విష‌యానికి వ‌స్తే...వెంక‌టేష్ హీరోగా ఓన‌మాలు, మ‌ళ్లీ మ‌ళ్లీ ఇదిరాని రోజు..చిత్రాల ద‌ర్శ‌కుడు క్రాంతి మాధ‌వ్ ద‌ర్శ‌క‌త్వంలో ఓ చిత్రం రూపొందించ‌నున్న‌ట్టు వార్త‌లు వ‌చ్చాయి.

ఆ త‌ర్వాత ఏమైందో ఏమో..కానీ ఈ సినిమా గురించి ప్ర‌స్తావ‌నే లేదు. ఇప్పుడు వెంకీ ప్లేస్ లో నాగ్ వ‌చ్చిన‌ట్టున్నాడు..డైరెక్ట‌ర్ క్రాంతి మాధ‌వ్..నాగ్ కోసం క‌థ రెడీ చేస్తున్నాడ‌ట‌. ప్ర‌స్తుతం ఈ సినిమాకి సంబంధించిన క‌ధా చ‌ర్చ‌లు జ‌రుగుతున్నాయి. ఈ సినిమాని యునైటెట్ మూవీస్ ప‌తాకంపై ప‌రుచూరి ప్ర‌సాద్ నిర్మించ‌నున్న‌ట్టు స‌మాచారం. వెంకీ తో క్రాంతి మాధ‌వ్ సినిమా సెట్స్ పైకి వెళ్ల‌లేదు. మ‌రి..నాగ్ తో అనుకుంటున్న మూవీ అయినా సెట్స్ పైకి వెళుతుందో లేదో చూడాలి.