అదే సీన్ రిపీట్ చేస్తున్న నాగ్...!
- IndiaGlitz, [Tuesday,October 06 2020]
కింగ్ నాగార్జున.. ఒక‌వైపు సినిమాలు, మ‌రో వైపు బిగ్‌బాస్ షోతో బిజీ బిజీగా ఉంటున్నాడు. స్టార్ హీరోస్‌లో ముందుగా షూటింగ్‌ను స్టార్ట్ చేసింది కూడా నాగార్జునే. దీంతో ఇత‌ర హీరోలు కూడా వారి షూటింగ్స్‌ను ట్రాక్ ఎక్కించ‌డానికి ప్లాన్ చేస్తున్నారు. నాగార్జున గోవాలో వైల్డ్ డాగ్ షూటింగ్‌లో పాల్గొంటున్నాడు. దీని త‌ర్వాత థాయ్‌లాండ్ షెడ్యూల్ ప్రారంభం కావాల్సి ఉంది. రెండు వారాల పాటు షూటింగ్ ఉంటుంద‌ని వార్త‌లు వినిపిస్తున్నాయి. ఈ వార్త‌ల్లో నిజ‌ముంటే.. బిగ్‌బాస్ 4లో రెండు వారాల పాటు నాగార్జున క‌నిపించే ఆస్కారం లేద‌ని అంటున్నారు. నిజానికి బిగ్‌బాస్ సీజ‌న్ 3లోనూ ఇదే సీన్ రిపీట్ అయ్యింది. ఇందులో మూడు వారాల పాటు నాగార్జున షూటింగ్‌తో బిజీగా ఉంటే ర‌మ్య‌కృష్ణ .. హోస్ట్‌గా వ్వ‌వ‌హ‌రించారు. ఇప్పుడు మ‌రోసారి నాగ్ షూటింగ్‌తో బిజీగా మారితే ఎవ‌రు హోస్ట్ చేస్తార‌నేది టాప్ ఆఫ్ ది ఇండ‌స్ట్రీగా మారింది.
‘వైల్డ్‌డాగ్’ విష‌యానికి వ‌స్తే ఈ చిత్రంలో నాగార్జున ఎన్ఐఏ ఆఫీస‌ర్‌గా న‌టిస్తున్నారు. సాల్మోన్ అహిషోర్ ఈ చిత్రానికి ద‌ర్శ‌క‌త్వం వ‌హిస్తుండ‌గా మ్యాట్నీ ఎంట‌ర్‌టైన్‌మెంట్ బ్యాన‌ర్‌పై నిరంజ‌న్ రెడ్డి ఈ చిత్రాన్ని నిర్మిస్తున్నారు.