బాల‌య్య‌తో మ‌ళ్లీ పోటీకి సై అంటున్న నాగ్..
- IndiaGlitz, [Friday,June 17 2016]
నంద‌మూరి న‌ట సింహం బాల‌కృష్ణ న‌టిస్తున్న తాజా చిత్రం గౌత‌మీపుత్ర శాత‌క‌ర్ణి. ఈ చిత్రాన్నిక్రిష్ తెర‌కెక్కిస్తున్నారు. మొరాకోలో మొద‌టి షెడ్యూల్, హైద‌రాబాద్ లో రెండో షెడ్యూల్ షూటింగ్ చేసారు. ఈ నెల 20 నుంచి మూడో షెడ్యూల్ షూటింగ్ కూడా హైద‌రాబాద్ లో చేయ‌నున్నారు. అత్యంత ప్ర‌తిష్టాత్మ‌కంగా రూపొందిస్తున్న ఈ భారీ చిత్రం గౌత‌మీపుత్ర శాత‌క‌ర్ణి చిత్రాన్ని సంక్రాంతి కానుక‌గా రిలీజ్ చేయ‌డానికి ప్లాన్ చేస్తున్నారు. ఇదిలా ఉంటే...కింగ్ నాగార్జున - ద‌ర్శ‌కేంద్రుడు రాఘ‌వేంద్ర‌రావు ద‌ర్శ‌క‌త్వంలో ఓం న‌మో వెంక‌టేశాయ అనే చిత్రం చేస్తున్నారు. ఈ చిత్రాన్ని మ‌హేష్ రెడ్డి నిర్మిస్తున్నారు. త్వ‌ర‌లో ఈ చిత్రం షూటింగ్ ప్రారంభించ‌నున్నారు. వెంక‌టేశ్వ‌ర స్వామి భ‌క్తుడు హ‌థీరామ్ బాబా జీవిత చ‌రిత్ర ఆధారంగా ఈ చిత్రాన్ని తెర‌కెక్కించ‌నున్నారు. ఈ చిత్రంలో అనుష్క, విమ‌లారామ‌న్, ప్ర‌గ్యా జైస్వాల్ న‌టిస్తున్నారు. స్వ‌ర‌వాణి కీర‌వాణి సంగీతం ద‌ర్శ‌క‌త్వంలో నాలుగు పాట‌ల‌కు రికార్డింగ్ చేసారు. ఈ భ‌క్తిరస చిత్రాన్ని సంక్రాంతి కానుక‌గా రిలీజ్ చేయ‌డానికి ప్లాన్ చేస్తున్న‌ట్టు స‌మాచారం.
సంక్రాంతికి బాల‌య్య డిక్టేటర్, నాగార్జున సోగ్గాడే చిన్ని నాయ‌నా చిత్రాలు పోటీప‌డ్డాయి. డిక్టేటర్ యావ‌రేజ్ కాగా, సోగ్గాడే చిన్ని నాయ‌నా బ్లాక్ బ‌ష్ట‌ర్ గా నిలిచింది. రానున్నసంక్రాంతికి కూడా బాల‌య్య గౌత‌మీపుత్ర శాత‌క‌ర్ణి, నాగార్జున ఓం న‌మో వెంక‌టేశాయ చిత్రాలు పోటీప‌డ‌నున్న‌ట్లు వార్త‌లు వ‌స్తున్నాయి. సంక్రాంతికి ఈ రెండు భారీ చిత్రాలతో పాటు మెగాస్టార్ 150వ చిత్రం క‌త్తిలాంటోడు కూడా రిలీజ్ అవుతుంది. రానున్న సంక్రాంతికి అనుకున్న ప్ర‌కారం చిరంజీవి క‌త్తిలాంటోడు, బాల‌య్య గౌత‌మీపుత్ర శాత‌క‌ర్ణి, నాగ్ ఓం న‌మో వెంక‌టేశాయ రిలీజ్ అయితే... అభిమానుల‌కు పండ‌గే. మ‌రి...ఈ ఆస‌క్తిక‌ర బాక్సాఫీస్ వార్ లో విన్న‌ర్ గా ఎవ‌రు నిలుస్తారో చూడాలి.