చైతుతో మూవీ గురించి నాగ్ రియాక్ష‌న్..!
- IndiaGlitz, [Thursday,January 19 2017]
అభిరుచి గ‌ల నిర్మాత దిల్ రాజు నిర్మించిన తాజా చిత్రం శ‌త‌మానం భ‌వ‌తి. సంక్రాంతి కానుక‌గా రిలీజైన ఈ చిత్రం అన్నివ‌ర్గాల ప్రేక్ష‌కుల ఆద‌ర‌ణ‌తో స‌క్సెస్ ఫుల్ గా ర‌న్ అవుతుంది. ఈ సందర్భంగా ఏర్పాటు చేసిన మీడియా మీట్ అనంత‌రం టాలీవుడ్ కింగ్ నాగార్జున, యువ స‌మ్రాట్ నాగ చైత‌న్య కాంబినేష‌న్లో ఓ చిత్రాన్ని నిర్మించ‌నున్నాను.
ఈ చిత్రానికి శ‌త‌మానం భ‌వ‌తి ద‌ర్శ‌కుడు వేగేశ్న స‌తీష్ ద‌ర్శ‌క‌త్వం వ‌హించ‌నున్నారు అని మీడియా మిత్రుల‌తో నిర్మాత దిల్ రాజు స్వ‌యంగా చెప్పారు. దిల్ రాజు స్వ‌యంగా చెప్ప‌డంతో ఈ వార్త ప్ర‌చారంలోకి వ‌చ్చింది. అయితే...ప్ర‌చారంలో ఉన్న ఈ వార్త పై నాగ్ ట్విట్ట‌ర్ ద్వారా క్లారిటి ఇచ్చారు. చైత‌న్య‌తో క‌లిసి నేను సినిమా చేస్తున్న‌ట్టు వ‌స్తున్న వార్తలు విన్నాను చ‌దివాను. ఇది నాకు కూడా వార్తే అంటే స్పందించారు అది సంగ‌తి.