నాగ్ రాజు గారి గది 2 ఇంట్రస్టింగ్ డీటైల్స్..!
- IndiaGlitz, [Saturday,November 26 2016]
న‌వ‌ర‌స స‌మ్రాట్ నాగార్జున ప్ర‌స్తుతం ద‌ర్శ‌కేంద్రుడు రాఘ‌వేంద్ర‌రావు దర్శకత్వంలో ఓం న‌మో వేంక‌టేశ‌య చిత్రంలో న‌టిస్తున్నారు. ఈ చిత్రం షూటింగ్ చివ‌ర ద‌శ‌కు చేరుకుంది. ఇదిలా ఉంటే...విభిన్న క‌థా చిత్రాలు చేయ‌డంలో ఎప్పుడూ ముందుండే సెల్యులాయిడ్ సైంటిస్ట్ నాగార్జున హ‌ర్ర‌ర్ మూవీ రాజు గారి గది - 2 లో న‌టించేందుకు గ్రీన్ సిగ్న‌ల్ ఇచ్చారు. ఓంకార్ దర్శకత్వంలో రూపొందే ఈ చిత్రాన్ని పి.వి.పి సంస్థ భారీ స్ధాయిలో నిర్మిస్తుంది. ఈ చిత్రాన్ని రేపు అన్న‌పూర్ణ స్టూడియోస్ లో ప్రారంభించ‌నున్నారు. ఉద‌యం 10.45 నిమిషాల‌కు పూజా కార్య‌క్ర‌మాలు, 11.20 నిమిషాల‌కు ముహుర్త‌పు స‌న్నివేశం చిత్రీక‌రించ‌డానికి ముహుర్తం ఖ‌రారు చేసారు. ఈ కార్య‌క్ర‌మంలో రాజు గారి గది 2 టీమ్ అంతా పాల్గొంటారు. ఈ చిత్రంలో నాగార్జున గెట‌ప్ చాలా డిఫ‌రెంట్ గా ఎవ‌రూ ఊహించ‌ని విధంగా ఉంటుంద‌ని స‌మాచారం..!